Մահացել է ՀՀ նախկին գլխավոր դատախազը
Քաղաքականություն
91 տարեկան հասակում կյանքից հեռացել է ՀՀ առաջին գլխավոր դատախազ, ՀՍՍՀ գերագույն դատարանի նախագահ, ՀՍՍՀ արդարադատության մինիստր, ԵՊՀ իրավաբանական ֆակուլտետի դեկան, ամբիոնի վարիչ, հանրապետության վաստակավոր իրավաբան Արտավազդ Գևորգյանը: Այս կապակցությամբ ՀՀ արդարադատության նախկին նախարար, իրավաբանական գիտությունների դոկտոր, պրոֆեսոր Գևորգ Դանիելյանը սոցցանցի իր էջում գրել է. «Վախճանվել է ինչպես խորհրդային համակարգի, այնպես էլ անկախության սկզբնափուլի իրավագիտության ռահվիրաներից ԱՐՏԱՎԱԶԴ ԳԵՎՈՐԳՅԱՆԸ, միակ մարդը, որը տարբեր ժամանակներում տևական ժամանակով զբաղեցրել է արդարադատության նախարարի, գերագույն դատարանի նախագահի և գլխավոր դատախազի պաշտոնները, մարդ, որը չի կառչել իր աթոռից և երիտասարդ տարիներին կամավոր հրաժարվել է արդարադատության նախարարի պաշտոնից, երբ փորձել են «թելադրել», մարդ, որը միանշանակ եղել է ազնիվ ու անաչառ, միաժամանակ օժտված էր բնատուր հիշողությամբ, լոռեցու միամիտ սրամտությամբ ու ակնհայտ խորը գիտելիքներով: Ցավոք, նրան հիշում էին միայն հանրային արժեքներ դավանող այնպիսի լրագրողներ, ինչպիսիք են Ռուզաննա Մինասյանը, Գևորգ Թոսունյանը և այլոք, սակայն նրանք ի զորու չէին անհրաժեշտ չափով ճանաչելի դարձնել այդ ուսանելի մարդուն: Հպարտ եմ, որ եղել եմ իր կողմից բարձր գնահատված և վստահելի դատախազներից մեկը: Աստված թող մեր սիրելի ավագ ընկերոջ հոգին լույսի մեջ պահի»:
1
2
3
4
5
1
3
5
1
3
4
5
