Մաշկը մեր օրգանիզմի պաշտպանիչ շերտն է: Մաշկի վրա առաջացած խալերը և գորտնուկները անհանգստացնում են բոլորին: EnterTrain-ը առաջարկում է դրանցից ազատվելու բնական միջոցներ:
Խալերը վերացնեղ միջոցներ
Գերչակի յուղ սննդի սոդայով. սննդի սոդայի վրա կաթեցնել մի քանի կաթիլ գերչակի յուղ, խառնուրդը քսել խալին: Պահել այնքան, մինչև չորանա: Գործողությունը կրկնել օրական երկու անգամ մեկ ամիս անընդմեջ:
Անանասի հյութ. Անանասի հյութը բացում է պիգմենտի գույնը, բայց չի վերացնում խալը: Բամբակը թրջեք հյութի մեջ, դրեք խալի վրա և ամրակայեք: Գործողությունը կրկնեք օրական երկու անգամ երկու շաբաթ:
Բնական միջոցներ գորտնուկների դեմ
Թարմ սխտոր. սխտորի շերտը ճզմել, դնել գորտնուկի վրա, ամրակայել: Կես ժամ թողնելուց հետո լվանալ: Գործողությունը կրկնել օրական երկու անգամ ամենաքիչը մեկ շաբաթ:
Վիտամին C. ճզմել վիտամին C-ի մի քանի հաբեր, մի քիչ ջուր ավելացնել, որ մածուկ ստացվի: Քսել գորտնուկին, կապել: Գործողությունը կրկնել ամեն օր:
Սև կետերի դեմ
Դարչին. մեկ թեյի գդալ կիտրոնի հյութը և մեկ թեյի գդալ դարչինը խառնել, քսել դեմքին և պահել 15 րոպե:
Վարսակ. ½ թեյի գդալ մեղրը խառնել 1 ճաշի գդալ լոլիկի հյութի հետ և 1 ճաշի գդալ նախապես պատրաստված վարսակի փաթիլների հետ: Խառնուրդը քսել դեմքին՝ թեթև մերսելով, պահել 15 րոպե:
Պիգմենտային հետքերի դեմ
Մասուրի եթերայուղ. Մի քանի կաթիլ մասուրի եթերայուղ քսեք պիգմենտային հետքի վրա թաց մաշկին: Մի քանի րոպե մերսեք, մինչև յուղը ներծծվի:
Խորդենու եթերայուղ. Խորդենին հարուստ է հակաօքսիդանտներով: Մի քանի կաթիլ խորդենու յուղը խառնեք զեյթունի կամ կոկսի յուղի հետ և քնելուց առաջ մերսեք մաշկի այն հատվածը, որտեղ պիգմենտային հետքեր կան:
1
2
3
4
5
3
4
5
2
4
5
