Կառավարությունն ընդդեմ Շինանյութի Սերգեյի

Գործարար Սերգեյ Մանուկյանին (Շինանյութի Սերգո) պատկանող «Գուդվին» ընկերության «Էլ լոտո» խաղային սարքավորումների մեծ թափով տարածումը կկանխվի: Armtimes.com-ին հայտնի դարձավ, որ ֆինանսների նախարարությունը նախաձեռնել է օրենսդրական փոփոխություն, համաձայն որի՝ «Էլ լոտո» խաղային սարքավորումների շահագործումը կսահմանվի որպես շահումով խաղի կազմակերպում:

Ֆինանսների նախարարության մեր աղբյուրների փոխանցմամբ, մասնավորապես «Շահումով խաղերի և խաղատների մասին» ՀՀ օրենքով սահմանված պահանջները հավասարապես կտարածվեն նաև էլեկտրոնային ապարատների (տերմինալների) միջոցով կազմակերպվող վիճակահանության վրա, որոնց համար մինչ այժմ չէր սահմանափակվել հնարավորությունը շահագործվել «Վիճակախաղերի մասին» ՀՀ օրենքով կարգավորվող հարաբերությունների ներքո:

Օրենսդրական նախաձեռնությունը ՀՀ Ազգային Ժողովի կողմից հավանության արժանանալու պարագայում նշված սարքերի շահագործումը կդիտվի որպես շահումով խաղ և այդ գործունեության վրա կտարածվի «Շահումով խաղերի և խաղատների մասին» ՀՀ օրենքի 6-րդ հոդվածի 3-րդ մասը:

Այս օրենսդրական նախագիծն առաջիկայում կներկայացվի Ազգային ժողովի քննարկմանը: Հաշվի առնելով այն հանգամանքը, որ կառավարության հեղինակած գրեթե բոլոր օրենքները ԱԺ-ի կողմից ընդունվում են, քանի որ ՀՀԿ-ն եւ ՀՅԴ-ն մեծամասնություն են կազմում խորհրդարանում, կարելի է ենթադրել, որ այս նախագիծը եւս օրենք կդառնա:

շարունակությունը՝ կայքում