Սերժ Սարգսյանին դրել են փաստի առաջ. ո՞վ է այդպես վարվել նրա հետ

Առաջին / Նախօրեին կրթության ու գիտության նախարար Լևոն Մկրտչյանը հայտարարել է, որ Սերժ Սարգսյանը տեղյակ չի եղել, երբ աշակերտներին իր տված պարգևների շարքում պարգևատրել է նաև Հրազդանի քաղաքապետ Արամ Դանիելյանի որդուն: Նախարարն ասել է, որ ընդհանուր ցանկով պարգևատրման ենթակա աշակերտների անուններն իրենք են ներկայացրել: Այսինքն՝ ստացվում է, որ Լևոն Մկրտչյանը կամ նրանք, որոնք կազմել են այդ ցանկը, ըստ էության Սերժ Սարգսյանին դրել են, մեղմ ասած, անհարմար վիճակում: Իսկ բանն այն է, որ Հրազդանի քաղաքապետի անչափահաս որդին կասկածվում է Հրազդանի 58-ամյա մի քաղաքացու մահացու ելքով վրաերթի ենթարկելու մեջ: Չենք ուզում խորամուխ լինել խնդրի քննության և իրավական կողմի մեջ, թե որքանով է կատարվում անաչառ քննություն և այլն: Այստեղ առկա է բավականին ուշագրավ քաղաքական կամ բարոյաքաղաքական ասպեկտ:

Փաստացի գործ ունենք մի իրավիճակի հետ, երբ իշխանության, կառավարման համակարգի մի խումբ պետության նախագահի պարգևատրմանն է ներկայացնում մահացու վրաերթի համար կասկածվող պատանու: Այստեղ խնդիրն ամենևին այն չէ, որ պատանուն պետք է գանահարել՝ պարգևատրելու փոխարեն: Հանցանքի և պատասխանատվության չափը պետք է որոշի դատարանը, իսկ մինչ այդ անկասկած գործում է անմեղության կանխավարկածը, քանի դեռ չկա դատարանի վճիռ: Սակայն եթե պետք չէ մի ծայրահեղություն, այդուհանդերձ, պետք չէ նաև մեկ այլ ծայրահեղություն՝ այդպիսի կասկածյալին ներկայացնել նախագահական պարգևատրման և այն էլ՝ այսպես ասած հանդիսավոր պայմաններում: Ընդ որում՝ այն դեպքում, երբ խոսքը ոչ միայն պարզապես դժբախտ պատահարի մասին է, այլ մի դեպքի, որը տեղի է ունեցել հենց սկզբից անիրավության հետևանքով՝ այդ պատանին չուներ այդ մեքենան՝ հոր ծառայողական մեքենան վարելու իրավունք:

շարունակությունը՝ կայքում