Աշնանային անակնկալը. վիճակը նետված է

ԼՐԱԳԻՐ / ԵՏՄ-ից դուրս գալու ԵԼՔ դաշինքի ոդիսականն ավարտվեց. դաշինքը ներկայացրել է ԱԺ հայտարարության նախագիծ, որով Հայաստանը հայտարարում է ԵՏՄ-ից դուրս գալու գործընթաց սկսելու մասին: Մի քանի ամիս է ԵԼՔ-ն այդ հարցում «լինել-չլինելու» դիլեմայի առաջ էր, քանի որ առաջնորդներից երկուսը՝ Էդմոն Մարուքյանն ու Արամ Սարգսյանը նախաձեռնությունը համարում էին անհրաժեշտ, իսկ երրորդը՝ Նիկոլ Փաշինյանը, պահում էր լռություն: Այժմ ԵԼՔ-ը անում է հայտարարությունը, այսինքն հանդես է գալիս նախաձեռնությամբ:
Գրեթե կասկած չկա, որ Հանրապետական կուսակցությունը մերժելու է այդ նախաձեռնությունը: ԵԼՔ-ը պնդում է, որ ԵՏՄ-ին անդամակցելով Հայաստանն ունեցել է միայն տնտեսական, քաղաքական, անվտանգային կորուստներ: ՀՀԿ պատասխանը երեւի դժվար չէ պատկերացնել, առավել եւս, որ այդ պատասխանները հնչել են նաեւ Էդմոն Մարուքյանի եւ Արամ Սարգսյանի նախնական հայտարարություններից հետո:
Իշխող մեծամասնությունը ներկայացնելու է տվյալներ, որ ԵՏՄ-ին անդամակցելուց հետո իհարկե եղել է որոշակի անկում, բայց հետո եղել են երկնիշ աճեր եւ այլն, դե իսկ խնդիրների մասով՝ դրանք իհարկե կան, բայց եթե չլիներ ԵՏՄ-ն, այդ խնդիրները կլիեին շատ ավելի, բոլոր առումներով:

շարունակությունը՝ կայքում