Երբ և ինչու են աղջիկներն սկսել սափրել ոտքերը

Ամառը շորտերի և կարճ կիսաշրջազգեստների ժամանակն է: Սակայն ինչքան քիչ հագուստ է կրում աղջիկը, այնքան ավելի մեծ ուշադրություն պետք է դարձնի արտաքինին: Օրինակ այսօր ոչ մեկ իրեն թույլ չի տա դուրս գալ տանից առանց ոտքերը սափրելու, սակայն միշտ չէ, որ այդպես էր:

Որտեղից է եկել ոտքերը սափրելու գաղափարը: Այս թրենդի պատմությունը պարզվում է բավականին հետաքրքիր է:

Պարզվում է կանայք սկսել են ոտքերը սափրել ոչ այն բանի համար, որ տարբերվեն մազոտ տղամարդկանցից: Իրականում ոտքերը սափրելու գաղափարը առաջացել է ԱՄՆ-ում ՝ Երկրորդ համաշխարհային պատերազմի ժամանակ ցուգագուլպաների դեֆիցիտի պատճառով:

Այդ ժամանակներում իրեն հարգող կինը չէր կարող փողոց դուրս գալ մերկ ոտքերով. դա համարվում է ոչ քաղաքավարի: Սակայն պատերազմի սկսման հետ մեկտեղ ամբողջ նեյլոնն ու մետաքսը օգտագործվել է օդապարիկների պատրաստման համար:

Խանութներում անգամ պատրաստել էին հատուկ տեղեր, որտեղ հանձնում էին զուգագուլպաները, իսկ կանայք էլ այդպես էին դրսևորում իրենց հայրենասիրությունը՝ վերջին զուգագուլպան նվիրաբերելով հայրենիքին: