«Ազատության ուրվականը» (Le fantôme de la liberté) 
Կինեմատոգրաֆի մեջ սյուրռեալիզմի խոշորագույն ներկայացուցիչներից մեկի՝ իսպանացի կինոռեժիսոր Լուիս Բունյուելի կողմից 1974 թվականին նկարահանված «Ազատության ուրվականը» ֆիլմն առաջին հայացքից իրար հետ չկապված սյուրռեալիստական դրվագների շարք է: Բուրժուական զույգը դիտում է փարիզյան հուշարձանների լուսանկարները և դրանք պոռնոգրաֆիական համարում: Մոմերով ընթրիքի սեղանի շուրջ հյուրերը աթոռների փոխարեն՝ նստում են զուգարանակոնքերի վրա. տղամարդիկ իջեցնում են տաբատները, կանայք՝ բարձրացնում կիսաշրջազգեստները:
Փոքրիկ աղջիկն անհետանում է դպրոցում, և նրա որոնումները կազմակերպվում են նրա ներկայությամբ և նրա օգնությամբ: Ֆիլմի թիրախը կեղծավորությունն է, եկեղեցին, բանակը:
Ֆիլմը կարող եք դիտել այստեղ
«Ծիր կաթին» (La Voie lactée) 
Լուիս Բունյուելի «Ծիր կաթին» ֆիլմը պատմում է երկու տղամարդկանց՝ կիսաթափառաշրջիկներ, կիսաավազակների մասին, որոնք Ֆրանսիայից վերադառնում են Իսպանիա: Ճանապարհին նրանք հանդիպում են կասկածելի և տարօրինակ կերպարների, և հայտնվում են էրոտիկ, խորհրդավոր և գերբնական իրադարձությունների կենտրոնում:
Ֆիլմը կարող եք դիտել այստեղ
«Այս ամբողջ ջազը» (All That Jazz) 
Ամերիկացի պարուսույց, պարող, թատրոնի և կինոյի ռեժիսոր, սցենարիստ, դերասան Բոբ Ֆոսսի մյուզիքլը պատմում է Ջո Գիդեոնի (Ռոյ Շայդեր) ստեղծագործական կարիերայի, կանանց և, մասնավորապես, նախկին կնոջ՝ Օդրիի (Լիլանդ Պալմեր) և դստեր՝ Միշելի (Էրջեբե Ֆելդի) հետ փոխհարաբերությունների մասին: Ֆիլմում նա ներկայացվում է՝ որպես եսակենտրոն, բայց աշխատասեր մարդ:
Ֆիլմը կարող եք դիտել այստեղ
«Ընդհատակ» (Underground) 
Սերբ կինոռեժիսոր Էմիր Կուստուրիցայի տրագիկոմեդիան նկարահանված է Դուշան Կովաչևիչի համանուն պիեսի հիման վրա:
Ֆիլմում գործողություններն սկսվում են 1941 թվականի ապրիլի 5-ի լույս 6-ի գիշերը։ Երկրորդ համաշխարհային պատերազմի ընթացքում Բելգրադում հակաֆաշիստները զենքի արտադրության մի ամբողջ գործարան են ստեղծում: Պատերազմը վաղուց ավարտվել է, բայց նրանք շարունակում են իրենց գործունեությունը: Եվ այս բոլոր տարիների ընթացքում «վերևում» կյանքն իր հունով է ընթանում, իսկ «ներքևում»՝ իր:
Ֆիլմը կարող եք դիտել այստեղ
«Վերլուծիր սա» (Analyze This) 
Ռեժիսոր Հարոլդ Ռեմիսիի ամերիկյան գանգստերական կատակերգությունը պատմում է նյույորքյան մաֆիոզ Փոլ Վիթիի (դե Նիրո) մասին, ով նյարդային քայքայման եզրին է: Բոլոր գանգստերները ցնցված են. ինչպե՞ս օգնեն իրենց խենթ բոսին: Բեն Սոբելը (Բիլի Կրիստալ) սովորական հոգեվերլուծաբան է: Նա ընդամենը մի քանի օր ունի, որպեսզի օգնի կնքահորը՝ հաղթահարել դեպրեսիան:
Ֆիլմը կարող եք դիտել այստեղ
«Թափահարել շանը» (Wag the Dog) 
Բարրի Լևինսոնի 1997 թվականի երգիծական կատակերգությունում ԱՄՆ նախագահը մեղադրվում է սեռական ոտնձգությունների մեջ։ Հասարակության ուշադրությունը շեղելու համար գործի է անցնում նման իրավիճակների մասնագետ Կոնրադ Բրիմը (Ռոբերտ դե Նիրո): Բրինը որոշում է փոքրիկ պատերազմ բեմականացնել և ներգրավում է հայտնի հոլիվուդյան պրոդյուսեր Սթենլի Մոթսին (Դասթին Հոֆման): Երկուսով նրանք հոլիվուդյան շոու են կազմակերպում: Բայց Սթենլի Մոթսը չէր կարող բաց թողնել իր մասնագիտական հավակնությունները բավարարելու այս հազվագյուտ շանսը:
Ֆիլմը կարող եք դիտել այստեղ
«Սպանել վիշապին» (Убить дракона) 
Ռեժիսոր Մարկ Զախարովի ֆիլմը պատմում է քաղաքի մասին, որն արդեն երկար տարիներ գտնվում է Վիշապի (Օլեգ Յանկովսկի) տիրապետության տակ, ուր հայտնվում է թափառող ասպետ Լանցելոտը (Ալեքսանդր Աբդուլով): Ասպետի պարտքը դաժան բռնակալի դեմ պայքարելն է: Բայց Բուրգոմիստրը (Եվգենի Լեոնով) նրան համոզում է հրաժարվել մենամարտից՝ պատճառաբանելով, որ մարդիկ չեն կարող ապրել առանց բռնապետի:
Ֆիլմը կարող եք դիտել այստեղ
«Շան սիրտը» (Собачье сердце) 
Ռուս կինոռեժիսոր Վլադիմիր Բորտկոյի նկարահանած ֆիլմը Միխայիլ Բուլգակովի համանուն վիպակի երկրորդ էկրանավորումն է:
Մոսկվա: 1924 թվական: Իր բարդ փորձարկումներից մեկի արդյունքում պրոֆեսոր Ֆիլիպ Ֆիլիպովիչ Պրեոբրաժենսկին ցնցող հայտնագործություն է անում. հիպոֆիզի փոխպատվաստումից հետո նրա շունը վերածվում է մարդու: Սենսացիոն լուրը շատ արագ տարածվում է Մոսկվայում, և աշխարհահռչակ պրոֆեսորին փառքի հերթական չափաբաժինն է բերում:
Ֆիլմը կարող եք դիտել այստեղ
«Կանանց քաղաք» (La città delle donne) 
Իտալացի ռեժիսոր Ֆեդերիկո Ֆելինիի «Կանանց քաղաք» ֆիլմը պատմում է մի տղամարդու (Մարչելո Մաստրոյանի) մասին, ով գնացքում պատահաբար ծանոթանում է գեղեցիկ կնոջ հետ և որոշում է ուղեկցել նրան: Այս որոշումը ճակատագրական էր հերոսի համար. Կանանց քաղաքում նա պատանդ է դառնում:
Ֆիլմը կարող եք դիտել այստեղ
«Նվագախմբի փորձը» (Prova d’orchestra) 
Ֆեդերիկո Ֆելինիի կողմից 1978 թվականին նկարահանված «Նվագախմբի փորձը» ֆիլմում հեռուստատեսային խումբը հինավուրց մատուռում կազմակերպում է նվագախմբի փորձի ձայնագրությունը, սակայն սովորական աշխատանքը հանկարծ վերածվում է առճակատման:
Ֆիլմը կարող եք դիտել այստեղ
1
2
3
4
5
1
2
3
4
5
1
2
3
4
5
