Այս հարցի շուրջ մանկաբարձ-գինեկոլոգներն այլ կարծիք ունեն: Մասնագետների խոսքով՝ սպորտը կարող է վնասակար լինել կանանց առողջության համար:
Սպորտի վնասը
Որովայնի մարզված մկաններ
Որովայնի չափազանց շատ մարզված մկանները ոչ միայն պաշտպանում են ներքին օրգանները, այլև սեղնում են և դրանով իսկ խանգարում դրանց աշխատանքը: Նախկինում ասվում էր, որ կնոջ որովայնը պետք է փափուկ լինի և շատ դեպքերում այս հատվածի մերսումն ուղղված է լինում հենց մկանների թուլացմանն ու լարվածությունից ազատվելուն: Սա, իհարկե, չի նշանակում, որ հարկավոր է գեղեցիկ որովայնի փոխարեն ճարպաշերտեր կուտակել, քանի որ վիսցերալ ճարպը նույնպես բացասաբար է ազդում ներքին օրգանների աշխատանքի վրա:
Նրանք, ովքեր մտադիր են հետագայում երեխա լույս աշխարհ բերել, պետք է իմանան, որ ծանր վարժությունների հետևանքով որովայնային պատի մկանները կարճանում են, ուստի հղիության ընթացքում ձգվելու փոխարեն դրանք պարզապես կտեղախախտվեն:
Նստատեղի մարզված մկաններ
Նստատեղի մկանները մարզելու համար հարկավոր է պարբերաբար մարզվել և ծանրություն բարձրացնել, սակայն կանանցից քչերն են գլխի ընկնում, թե որքան վտանգավոր կարող են լինել նման մարզումները:
Բոլոր մարդիկ էլ ունեն մի յուրահատուկ մկան, որը կոչվում է կոնքային ստոծանի: Տղամարդկանց մոտ այդ մկանը փակ է, իսկ կանանց մոտ այն լայնանում է արգանդի վզիկի հատվածում: Հենց այս յուրահատկության պատճառով կանանց օրգանիզմը նախատեսված չէ ծանրություն կրելու համար, քանի որ բարձր է օրգանների արտանկման հավանականությունը: Հարկ է հիշել, որ տարածված վարժությունները ոչ միշտ են անվնաս լինում, իսկ ծանրաձողեր բարձրացնելն ու նմանատիպ այլ վարժությունները ժամանակի ընթացքում թուլացնում են կոնքի մկանները:
Մկանների չորացում
Շատերը կարծում են, որ կատարյալ գեղեցիկ մարմնի վրա ճարպաշերտեր չպետք է լինեն, ուստի անում են ամեն բան դրանցից ազատվելու համար: Սակայն նման կանանց մոտ հաճախ են առաջանում դաշտանային ցիկլի խանգարումներ և շատ այլ խնդիրներ:
Իրականում ճարպաշերտերն օգնում են վերածել տեստոստերոնն էստրոգենի, իսկ առանց այդ փոխակերպման կանայք կզրկվեն կանանց հորմոններից, սակայն ձեռք կբերեն խնդիրներ՝ կապված մազերի ու մաշկի հետ:
1
2
3
4
5
2
4
5
1
3
4
