Երիտասարդներն ավելի զգուշավոր են սեքսի հարցում

1981 թվականից հետո ծնվածներն ավելի հազվադեպ են սեքսով զբաղվում, քան 1965-1980 թվականներին ծնվածները: Ամերիկյան գիտնականների հետազոտությունը հրապարակվել է Archives of Sexual Behavior ամսագրում:

Մասնագետները հարցում են անցկացրել տարբեր սերունդների շուրջ 28 հազար ներկայացուցիչների շրջանում: Պարզվել է, որ 1990-ականներին ծնվածների (20-24 տարեկան) 15%-ը չափահաս դառնալուց հետո սեռական կապ չի ունեցել, մինչդեռ 35-50 տարեկան սերնդի ներկայացուցիչների պարագայում այդ ցուցանիշը կազմել է 6%:

Նվազել է նաեւ ամերիկյան դպրոցականների շրջանում վաղ սեռական կապերի թիվը. եթե 1991 թվականին այդ ցուցանիշը 51% էր, 2015-ին կազմել է 41%:

Գիտնականները սա բացատրում են անվտանգ սեքսի հանդեպ նոր սերնդի բարձր զգուշավորությամբ: Այդ պատճառով, մասնագետների կարծիքով, ժամանակակից երիտասարդները չարաշահում են ալկոհոլն ու նախընտրում համացանցում ծանոթությունները, քան ռեալ սեռական հարաբերությունները։