Երբեմն նույնիսկ աննշան թվացող երևույթները կարող են բեկումնային լինել հետագա կյանքի համար: EnterTrain-ը դրա վկայությունը հաստատող մի պատմություն է ներկայացնում:
Նյու Գեմփշիրի բնակչուհի, ուսանողուհի Քեյսի Ֆիշերը գնաց տեղի ռեստորաններից մեկը՝ ընթրելու: Ճանապարհին նա նկատեց մի տնանկի, որը, մայթեզրին նստած, փող էր մուրում և երգում: Հազիվ մեկ դոլար հավաքելով՝ տնանկը մտավ նույն ռեստորանը՝ սուրճ գնելու:
Բոլորը խորշում էին նրանից, միայն Քեյսին սկսեց հարցուփորձ անել նրան, թե ինչպես է նա հայտնվել այդ վիճակում:
Սկզբում տղամարդը այնքան էլ չէր ուզում պատասխանել Քեյսիի հարցերին, և Քեյսին նրա համար թխվածք և սուրճ գնեց: Տղամարդը միանգամից փափկեց և երկու ժամ շարունակ խոսեց ամեն ինչի մասին:
Քրիս անունուվ տնանկը Քեյսիին պատմեց իր բարդ կյանքի մասին: Մարդիկ, որպես կանոն, նրա հետ շատ վատ էին վարվում այն պատճառով, որ ինքը տնանկ է: Նա պատմեց Քեյսիին, թե ինչպես է մայրը մահացել քաղցկեղից, հայր չի ունեցել, և թե ինչեպս է թմրամոլությունը իրեն դարձրել մի մարդ, որին ինքը ատում է:
«Քրիսը ինձ հանդիպած ամենաազնիվ մարդկանցից մեկն էր»,- բացատրում է Քեյսին:
Երբ նրանք բաժանվում էին, Քրիսը աղջկան մեկնեց մի երկտող, որտեղ ցնցող բառեր էին գրված:
«Ես ուզում էի այսօր ինքնասպան լինել,- արյունոտ ձեռքով խզմզված էր թղթին,- սակայն քո շնորհիվ ես դա չեմ անի: Քո շնորհիվ, հիանալի մարդ»:
Ի՞նչ արժե օտար մարդու կյանքը. դա ոչ միայն սուրճի, նկանակի և երկու ազատ ժամի գինն է. Քեյսիին հաջողվեց ավելին անել այդ մարդու կյանքի համար այդ կարճ ժամանակամիջոցում:
1
2
3
4
5
1
2
3
4
5
2
3
4
5
