«Առաջին տաղավար». նոր նախագիծ՝ Հանրայինի եթերում
Հասարակություն
Սեպտեմբերի 18–ին կմեկնարկի Հանրային հեռուստաընկերության աշնանային եթերաշրջանը։ Հանրայինը մի շարք նոր նախագծեր է պատրաստել իր հեռուստադիտողների համար։ Առաջին ալիքի Հասարակայնության հետ կապերի բաժնից Tert.am Life–ին հայտնում են, որ Էրիկ Անթառանյանը կներկայանա նոր հեռուստանախագծով, որը կոչվում է «Առաջին տաղավար»։
«Այն կանդրադառնա հասարակական, սոցիալական կարևոր խնդիրների ու հարցերի, դրամատիկ պատմությունների, որոնց կենտրոնում մարդն է: Հեռուստանախագծի լրագրողական թիմը կփնտրի ու կգտնի պատմություններ, որոնք կարիք ունեն լուսաբանման, համակողմանի ուսումնասիրման ու քննարկման: Ինչպե՞ս դուրս գալ ստեղծված իրավիճակից, օգնել անելանելի իրավիճակում հայտնված մարդուն, լսել, կարեկցել ու քննարկել խնդիրը. այս հիմնական հարցադրումների շրջանակում է ձևավորվելու հաղորդման հիմնական անելիքը»,– հայտնում են Հանրայինից։
«Առաջին տաղավարում» կլինեն նաև մամուլում ու սոցցանցերում ամենաքննարկված ու ամենաքննարկվող պատմությունները, այն պատմությունները, որոնց կենտրոնում անհատի խնդիրն է: Հաղորդումը եթերում կլինի յուրաքանչյուր երկուշաբթիից հինգշաբթի՝ ժամը 20:00-ին:
1
2
3
4
5
1
4
1
3
4
