Ոստիկանությունը՝ վակուումի մեջ. ամեն կրակոցը խորացնում է այն

Առաջին / Հանրապետական խմբակցության ղեկավար Վահրամ Բաղդասարյանը խորհրդարանական ճեպազրույցների ընթացքում անդրադառնալով նախօրեին Երևանի կենտրոնում տեղի ունեցած քրեական «ռազբորկային», որի հետևանքով կան զոհ և վիրավորներ, հայտարարել է, թե հրաժարականների կարիք չկա:

Հրաժարականների մասին հանրային խոսակցությունները վերաբերում են իրավապահ համակարգին՝ ընդհուպ ոստիկանապետին: Պատճառն այն է, որ հրազենի գործադրմամբ այդօրինակ «ռազբորկաները» Հայաստանում լրահոսի արդեն հաճախակի, պարբերական թեմաներն են: Իրավապահները այդ ամենին պատասխանում են վիճակագրությամբ, որ ոչ թե դեպքերն են հաճախակիացել, այլ դրանց լուսաբանումը, տեղեկատվական հնչեղությունը: Ի դեպ, այստեղ հարց է առաջանում, թե արդյո՞ք ոստիկանությունը ակնարկում է, որ տեղեկատվական հնչեղությունը տրվում է, այսպես ասած, որոշակի համակարգվածությամբ, թե՞ պարզապես արձանագրվում է տեղեկատվական տեխնոլոգիաների դարաշրջանի էֆեկտը, որը ոստիկանության համար այս դեպքում բացասական է:

Իսկ այն, որ անկախ ամեն ինչից՝ ավելացել է այդ հանցագործությունների և «ռազբորկաների» վիճակագրությունը, թե լուսաբանումը, այդուհանդերձ, այդ ամենը ուժգին հարվածում է ոստիկանությանն ու մասնավորապես ոստիկանության պետ Վովա Գասպարյանին, անվիճելի է: Եվ անվիճելի է, որ առայժմ Գասպարյանը չունի դրա դեմ հակափաստարկ, և ամենևին բացառված չէ, որ հենց այդ պատճառով է նա լռում: Այլապես ակնառու է, որ եթե իրադարձությունները այդպես կարող են զարգանալ Երևանի կենտրոնում, և դա կարող է լինել ընդամենը հերթական դեպքերից մեկը, այստեղ ոստիկանապետը պետք է ունենա ասելիք: Միաժամանակ նաև ակնհայտ է, որ Վովա Գասպարյանն այս դեպքում հազիվ թե կարողանա բավարարվել իր էպոտաժային հռետորաբանությամբ, որը նրան գործնականում միշտ փրկել է դժվար իրավիճակներում:

շարունակությունը՝ կայքում