BMW i8-ն արդեն Հայաստանում է․ ո՞վ է առաջին գնորդը

Հրապարակ / Հայաստանում BMW-ի պաշտոնական ներկայացուցիչ «Եվրոմոթորս» ընկերությունը բացառիկ քայլ է կատարել իր հաճախորդների, BMW-ի սիրահարների համար։ Այսուհետ Հայաստանում պաշտոնապես ներկայացված կլինի BMW i8 հիբրիդային սպորտքարը։ BMW-ին հատուկ դինամիկ ու կրքոտ դիզայնով հիբրիդային i8-ի պաշտոնական մուտքը Հայաստան տեղի ունեցավ «Փարավոն» ժամանցի կենտրոնում։

BMW i8-ը դեռևս կոնցեպտի կարգավիճակով առաջին անգամ ներկայացվել է 2011 թվականին Գերմանիայում։ Որպես սերիական մոդել՝ շուկա է մուտք գործել 2015 թվականին։ Երկու տարի անց այն արդեն հասանելի է նաև Հայաստանում։ Սա իր տեսակով բացառիկ մոդել է՝ հագեցած նորարարական վերջին տեխնոլոգիաներով, ապագայի շնչով, աննկարագրելի սպորտային հմայքով և հզորությամբ։ Իհարկե, BMW-ի բոլոր մոդելներն են այսպիսին, բայց i8-ն առանձնանում է նախևառաջ իր նորագույն հիբրիդային ուժային ագրեգատով։ BMW i8-ի կապոտի տակ տեղադրված է 1.5 լիտր աշխատանքային ծավալով 3-գլանային բենզինային շարժիչ և 96 ԿՎտ հզորությամբ էլեկտրաշարժիչ՝ միասին ապահովելով 362 ձ/ու հզորություն։ Սա թույլ է տալիս այս երկդռնանի գեղեցկուհուն 0-100 կմ/ժ արագության հասնել 4.4 վայրկյանում։ Այսպիսի ուժային ագրեգատի գլխավոր առանձնահատկությունը, սակայն, վառելիքի ծախսի խնայողույթունն է և արտանետվող գազերի քիչ քանակությունը։ BMW i8-ին 100 կմ ճանապարհ անցնելու համար հարկավոր է ընդամենը 2.5 լիտր բենզինը։ Գումարած դրան՝ էլեկտրաշարժիչի մեկ լիցքավորմամբ էլ այն կարող է անցնել 37 կմ։ CO2 գազի արտանետումների քանակը կազմում է միջինը 49 գ/կմ, ինչը էկոլոգիական տեսանկունից լավ ցուցանիշ է։

շարունակությունը ` կայքում