«Սպորտը յուրաքանչյուրի համար» ծրագրի հերթական հյուրը սիրված երգչուհի Նարե Գևորգյանն էր

«Սպորտը յուրաքանչյուրի համար» ծրագրի մթնոլորտն անմիջական էր ու հուզառատ, իսկ պատճառը մեկն էր․ հենաշարժողական խնդիրներ ունեցող պատանիների հերթական հյուրը երգչուհի Նարե Գևորգյանն էր․․․
Նա մասնակիցների հետ կիսվեց իր կյանքի պատմություններով, նրանց հետ հուզվեց, ոգևորվեց և ուրախացավ։ Մասնակիցներն էլ ,իրենց հերթին, գրկաբաց ընդունեցին Նարեին՝ պատմելով իրենց երազանքների, նախասիրությունների ու նպատակների մասին։
Երգչուհուն զուգահեռ՝ պատանիները երգեցին իրենց սիրելի երգերը՝ բացահատելով նաև իրենց շնորհքն այդ ասպարեզում։ Նարեի երգացանկի ամենասիրելի երգն, իհարկե, նրանց համար շարունակում էր մնալ՝ «Մոր երգը՝ զինվորին», որի կատարման ժամանակ Նարեն դարձյալ հուզվեց․․․
Հարկ է նշել, որ յուրաքանչյուր այսպիսի հանդիպում «Սպորտը յուրաքանչյուրի համար» ծրագրի մասնակիցների կյանքում կարևոր է և նշանակալից, որովհետև նրանք քայլ առ քայլ մոտենում են իրենց առջև դրված խնդիրների հաղթահարմանը։