Աշոտ Ղազարյանը` թոռնուհու նոր կերպարի մասին

«Նվագախմբի երեխաները» մյուզիքլի մասին Tert.am Life–ն արդեն պատմել է իր ընթերցողներին։ Այստեղ իր մասնակցությունն ունի նաև Աշոտ Ղազարյանի թոռնուհին` «Մանկական Նոր ալիք-2017» միջազգային մրցույթում գլխավոր մրցանակակիր 13–ամյա Անահիտ Ադամյանը։

Նկարահանումներից մեկի ընթացքին ներկա է եղել նաև Աշոտ Ղազարյանը։ Վերջինս պատմեց, որ նկարահանման հրապարակում լինել չի հասցնում, բայց թոռնուհու աշխատանքին հետևում է. «Անահիտը մյուզիքլում մարմնավորում է թիթիզ աղջնակի, որն անընդհատ սոցցանցերում սելֆիներ ու տեսագրություններ է տեղադրում, ուրախանում կամ տխրում ստացած լայքերի քանակից»:

Խոսելով նախագծի մասին` դերասանն ասաց. «Ինչքանով հասցրել եմ ծանոթանալ նախագծին՝ կազմակերպիչներն ամեն ինչ արել են, որ հայ մանուկները հեռուստաէկրանից տեսնեն լավ որակի արտադրանք, սովորեն, միևնույն ժամանակ, վայելեն այդ րոպեները: «Նվագախմբի երեխաները» մյուզիքլը վստահաբար սիրվելու է հեռուստադիտողի կողմից»:

Անահիտն էլ նշել է, որ «Նվագախմբի երեխաները» մյուզիքլում նկարահանվելն իր համար մեծ փորձ է։ «Առաջին անգամ եմ նկարահանվում հեռուստատեսային նախագծում։ Ինձ դուր են գալիս նկարահանումները, բայց հետագայում չգիտեմ` հանդես գալ կշարունակեմ այս ոլորտում, թե` ոչ։ Ինձ համար առաջնայինը երգն է»,– ասաց նա։

մանրամասն՝ կայքում