Ալիեւը Նյու Յորքից առաջ զրկվում է տարածքից. նրան այլընտրանք չի մնում

ԼՐԱԳԻՐ / Հայաստան-Սփյուռք համաժողովում արտգործնախարար Էդվարդ Նալբանդյանը հայտարարել է, որ Հայաստանն Ադրբեջանի հետ բանակցում է տարածքների վերադարձի շուրջ, բայց խոսքն այն տարածքների մասին է, որոնք Արցախի անվտանգության համար չունեն էական նշանակություն:
Հայաստան-Սփյուռք համաժողովում Նալբանդյանի ելույթի մասին այդ տեղեկատվությունը տարածել է ռուսական մամուլը, որը հետո վերցրել է ադրբեջանականը՝ ցույց տալով որպես ադրբեջանական դիվանագիտության առաջընթացի օրինակ:
Հայկական լրատվադաշտում Նալբանդյանի ելույթի այդօրինակ բովանդակություն գրեթե չկա: Տարածվել է ելույթի պաշտոնական տեքստը, որում եւս այդօրինակ բովանդակությունը բացակայում է, թեեւ իհարկե տարածքների հանձնման շուրջ բանակցության մասին հայտարարությունը գուցե եղել է հարցուպատասխանի ժամանակ:
Այդուհանդերձ, Երեւանը պաշտոնապես դեռ չի արձագանքել՝ արե՞լ է Նալբանդյանն այդպիսի հայտարարություն, թե ոչ:
Մյուս կողմից, եթե անգամ այդպիսի հայտարարություն հնչել է, ապա այստեղ չկա սենսացիոն ոչինչ, որովհետեւ Հայաստանը Ադրբեջանի հետ տարածքների հանձնման շուրջ բանակցում է արդեն երկու տասնամյակ: Այլ հարց է, թե ինչ նկատառումով, ինչ տողատակով, տակտիկայով կամ ստրատեգիայով, կարգավիճակի՞ դիմաց, թե՞ միջանկյալ ինչ որ բանի, բայց փաստ է, որ Հայաստանը բանակցում է այդ խնդրի շուրջ արդեն երկու տասնամյակ:

շարունակությունը՝ կայքում