EnterTrain-ը ներկայացնում է ատամների խնամքի 8 սխալ:
8. Ատամի խոզանակը չափազանց ուժեղ են սեղմում ատամները մաքրելիս
Այդ դեպքում ատամի խոզանակի մազիկները ճկվում են և վատ են վերացնում ատամնափառը: Դա նաև կարող է վնասել լնդերը:
7. Ուշադրություն չենք դարձնում սննդին
Ատամների առողջության համար պետք է պարբերաբար կալցիում, ֆոսֆոր, ֆտոր պարունակող մթերքներ ուտել: Դրանցից մի քանիսն են՝
Կալցիում պարունակող մթերքներ՝
- Կաթնամթերք
- Մրգերի և բանջարեղենի կեղև
- Ձուկ
- Լոբեղեն
Ֆոսֆոր պարունակող մթերքներ՝
- Ձուկ
- Հացահատիկներ
- Ընկուզեղեն
- Ոսպ
Ֆտոր ստանում ենք հիմնականում ջրից, ուստի եթե ապրում եք տարածքում, որտեղ ջուրը քիչ ֆտոր է պարունակում, ֆտորացված մթերք օգտագործեք՝ կաթ, աղ և այլն:
6. Ատամների խնամքի լրացուցիչ միջոցներ չենք օգտագործում
Մաքրելուց առաջ պետք է ատամների մեջտեղի մասերը մաքրել ատամի թելով: Ատամի թելի համար անհասանելի մասերից բակտերիաները վերացնելու համար բերանն ատամի էլիքսիրով ողողեք:
Կարելի է նաև իրիգատոր ձեռք բերել՝ ատամների և լնդերի համար լոգանք, որը կարելի է օգտագործել ամեն օր ատամի խոզանակով մաքրելուց հետո:
5. Չենք խնամում լնդերը
Եթե լնդերը թույլ են և բավականաչափ արյուն չեն ստանում, սա կարող պարոդոնտիտի հանգեցնել՝ լնդերը սկսում են արնահոսել, բորբոքվել, փշրվող են դառնում, կիսաբաց են անում ատամի վզիկը, ատամները թուլանում և ընկնում են:
Լնդերի ամրացման և արյան շրջանառության լավացման համար դրանք խոզանակով կամ մատի թեթև շրջանաձև շարժումով մերսեք: Կոշտ սնունդը կերեք լավ ծամեով: Կարելի է նաև քնելուց առաջ բերանը ողողել կաղնու, եղեսպակի կեղևով կամ աղի լուծույթով: Եթե լնդերը հակված են արնահոսության, բժշկի դիմեք:
4. Չենք մաքարում ատամնաքարը
Ատամնաքարը միկրոբները շատ են սիրում, այն խորացնում է ատամի շրջակա «գրպանները», թուլացնում է հյուսվածքները, որոնք պահում են ատամը լնդի մեջ: Դա կարող է հանգեցնել պարոդոնտիտի և ատամների հետագա կորստի:
Ատամնաքարը միայն ատամնաբույժը կարող է հեռացնել:
3. Կարծում ենք, որ բրեկետ կրելու համար արդեն ուշ է
Այդպես չէ: Հնարավոր է՝ ատամներն ուղղելու ընթացքը երկար տևի, բայց ուղիղ ատամնաշարը ոչ միայն գեղեցիկ է, այլև օգնում է երկարացնել ատամների առողջ վիճակը:
2. Ընտելանում ենք մի կողմով ծամելուն
Մի կողմով ծամելը հանգեցնում է ատամների գերծանրաբեռնվածության, դրանք ավելի շուտ են մաշվում և փչանում: Իսկ մյուս կողմի ատամները թուլանում են և անհրաժեշտ մեխանիկական մաքրում չեն ստանում: Բացի դրանից՝ փոխվում է ծնոտի հոդերի աշխատանքը, ինչը ժամանակի ընթացքում կարող է ցավ, նույնիսկ լսողական խնդիրներ առաջացնել:
1. Երեխաներին չենք սովորեցնում ճիշտ խնամել ատամները
Որոշ ծնողներ կարծում են, որ իմաստ չկա մանրամասնորեն խնամել կաթնատամները. դրանք ժամանակավոր են: Բայց երեխաներին պետք է ատամները խնամել սովորեցնել փոքր ժամանակից. ատամները կընկնեն, իսկ սովորությունը կմնա: Ատամները մաքրել պետք է առնվազն 3 րոպե, վերև-ներքև շարժումներով:
1
2
3
4
5
1
2
3
4
5
1
2
3
4
5
