Տհաճ անակնկալը դաշնակների համար. «Լրագիր»

Լրագիր / ՀՅԴ Հայ Դատի եւ քաղաքական հարցերի գրասենյակի պատասխանատու Կիրո Մանոյանը դրական է գնահատել ՄԱԿ-ի գլխավոր ասամբլեայում Սերժ Սարգսյանի՝ հայ-թուրքական Ցյուրիխյան արձանագրություններն առ ոչինչ հռչակելու մասին հայտարարությունը: Նրա դիտարկմամբ՝ այդ հայտարարությունը թեպետ ուշացած, սակայն ճիշտ էր:

«Արձանագրությունների մասով դրական տեղաշարժ չեմ կարծում լինի: Եվ դա ոչ Հայաստանի պատճառով, այլ այն պատճառով, որ Թուրքիան բազմաթիվ ներքին հարցեր ունի, արտաքին բազմաթիվ խնդիրներ ունի, որ Հայաստանի հետ հարաբերություններ հաստատելու խնդիրն իրենց օրակարգում չկա: Չի բացառվում, որ Թուրքիան կեղծ բաներ անի, որ իբր կարող է վավերացնել արձանագրություններից մեկը, բայց դա Հայաստանի կողմից կարծում եմ չի ընդունվի: Նրանց համար հիմնական խնդիրն Արցախի հարցում Հայաստանի վրա ճնշում գործադրելն է: Հուսով ենք, որ ոչ մի դրական փոփոխություն արձանագրությունների գծով տեղի չի ունենա, որպեսզի Նախագահն իր ասածն անի հաջորդ գարնան նախօրեին: Վստահ եմ, որ նա էլ չի հավատում դրական տեղաշարժին, ուրեմն Հայաստանը իր ստորագրությունը հետ կվերցնի: Մենք սպասում ենք այդ օրվան», «Արմենպրես»-ի հաղորդմամբ՝ ասել է Կիրո Մանոյանը:

Դաշնակները հայ-թուրքական արձանագրությունների ստորագրումից հետո դուրս եկան կոալիցիայից ու գրեթե ընդդիմություն դարձան, բողոքի ցույցեր կազմակերպելով Հայաստանում ու սփյուռքի հայաշատ քաղաքներում: Հետո արձանագրությունները սառեցվեցին, դաշնակները նորից մտան կոալիցիա, որտեղից, ինչպես ասում են, հիմա փայտով էլ չես կարող քշել: Հանուն կոալիցիայի նրանք նույնիսկ համաձայնվեցին հայտարարել, որ ռուսերենի համար առանձին հայեցակարգ է պետք, իսկ հայ զինվորն էլ ոչինչ է առանց Ռուսաստանի:

շարունակությունը՝ կայքում