Սեքսով չզբաղվելու լուրջ հետևանքները օրգանիզմի համար

Սեքսի պակասի 5 վտանգավոր հետևանք

Ոչ մեկի համար նորություն չէ, որ սեքսը որոշակիորեն ազդում է մարդկանց ֆիզիկական ինքնազգացողության եւ հոգեկան վիճակի վրա: Այդ մասին հիշեցնում է նաեւ Social Psychological and Personality Science գիտական ամսագիրը, որում հրապարակվել են նոր հետազոտության արդյունքները, որը ցույց է տալիս, թե սեքսի եւ կանոնավոր սեռական կյանքի պակասը մարդու համար ինչ վտանգ է ներկայացնում:

1. Շագանակագեղձի բորբոքում

Անբավարար սեռական կյանքը մեծացնում է շագանակագեղձի զարգացման եւ խրոնիկական դառնալու վտանգը, պնդում են գիտնականները:

2. Շագանակագեղձի քաղցկեղ

Երկար պահեցողությունը եւս մեծացնում է շագանակագեղձի քաղցկեղի զարգացման ռիսկը: Եվ հակառակը, ինչպես պնդում են հետազոտության հեղինակները, սեռական հարաբերությունների ժամանակ կանոնավոր սերմնաժայթքումը նպաստում է շագանակագեղձի բջիջների նորացմանը եւ նվազեցնում տղամարդու սեռական համակարգի ուռուցքային հիվանդությունների ռիսկը:

3. Սիրտ

Սեքսի պակասը կարող է նաեւ սրտի հետ կապված խնդիրներ առաջ բերել: Գիտնականները պարզել են, որ տղամարդիկ, որոնք շաբաթն առնվազն երկու անգամ սեռական հարաբերություն են ունենում, ավելի հազվադեպ են մահանում սիրտ-անոթային հիվանդություններից այն տղամարդկանց համեմատ, որոնց սեռական կյանքը պակաս ակտիվ է:

4. Ցավոտ դաշտան

Կանանց ցավոտ դաշտանը եւս այն խնդիրների ցանկում է, որոնք կարող են առաջանալ սեքսի պակասից: Կանոնավոր սեռական կյանքը խոչընդոտում է փոքր կոնքի օրգաններում արյան լճացմանը եւ նպաստում է էնդորֆինների մակարդակի բարձրացմանը, ինչը հեշտացնում է դաշտանը եւ բարելավում է կանանց ինքնազգացողությունը: Սեքսի պակասը հակառակ գործընթացների պատճառ է դառնում:

5. Իմունիտետի նվազում եւ խրոնիկական հոգնածություն

Սեքսի պակասի լուրջ «կողմնակի էֆեկտ» են գիտնականները համարել նաեւ իմունիտետի եւ աշխատունակության նվազումը եւ խրոնիկական հոգնածությունը: Հետազոտությունները ցույց են տալիս, որ կապ գոյություն ունի կանոնավոր սեքսի եւ А իմունոգլոբուլինի հետ, որն ակտիվացնում է վիրուսների դեմ պայքարող հակամարմինների արտադրությունն օրգանիզմում:

Սեքսի պակասի խնդիրը մեկնաբանելով՝ Հարվարդի բժշկական դպրոցի դոցենտ Յան Շիֆրենտը նշել է, որ չկան որոշակի նորմեր սեռական հարաբերությունների ընդունելի հաճախության վերաբերյալ. ամեն ինչ կախված է զուգընկերների խառնվածքից: «Եթե զուգընկերներից մեկը դժգոհ է ինտիմ կյանքում, պիտի քննարկի դա, ոչ թե ձեւացնի, թե ամեն ինչ կարգին է», - նշել է մասնագետը: