Հանձնաժողովի նախագահը հայհոյանքներով հարձակվում է armtimes.com-ի թղթակցի վրա. ՏԵՍԱՆՅՈՒԹ
ՀասարակությունՏեսանյութում ձայնն անջատված է, քանի որ պարբերաբար հայհոյանքներ են հնչում:
armtimes.com-ը տեղեկացնում է, որ Արարատի մարզի Նոր Կյանք համայնքի 18-րդ ընտրատարածքային ընտրական հանձնաժողովի նախագահ Խաժակ Աղաբեկյանը քիչ առաջ հարձակվել է armtimes-ի ֆոտոթղթակցի վրա, հարվածել տեսախցիկին եւ հայհոյանքներ հնչեցրել նրա հասցեին:
Բանն այն է, որ այսօր 18/1 ընտրատեղամասում Նոր Կյանք համայնքի ղեկավարի «Քաղաքացիական պայմանագիր» կուսակցության թեկնածու Գարիկ Սարգսյանի շտաբի անդամներ Սիփան Փաշինյանը եւ Էդուարդ Աղաջանյանը հանձնաժողովի նախագահի հետ քննարկել են, թե ինչպես կահավորել ընտարատեղամասը: Մեր թղթակիցը տեսանկարահանել է քննարկումը, ինչը զայրացրել է հանձնաժողովի նախագահին, եւ մոտենալով, հարվածել է տեսախցիկին եւ հայհոյանքներ հնչեցրել:
Հիշեցնենք, որ վաղը Նոր Կյանքում սպասվող համայնքի ղեկավարի ընտրություններում իրար դեմ պայքարում են գործող ՀՀԿ-ական գյուղապետ Մայիս Աբրահամյանը եւ ՔՊ անդամ Գարիկ Սարգսյանը:
1
2
3
4
5
1
3
4
5
1
3
4
