«Մի ստիպեք բացել փակագծերը․ շատ բան գիտեմ». Հմայակ Հովհաննիսյան

Առաջին / Քաղաքագետ Հմայակ Հովհաննիսյանը արձագանքել է Ժիրայր Սեֆիլյանի կոչին, որում մասնավորապես ասվում է.

«Արձագանքելով Ժիրայր Սեֆիլյանի կոչին և մեկնաբանելով նրա առաջարկած դեմքերի իսկապես խայտաբղետ կազմը, Վահրամ Մարտիրոսյանը հայտարարել է, որ ես «Գրիբոեդով ակումբի» անդամ եմ և այդ պատճառով ինքը ինձ հետ չի կարող համագործակցել:

Վահրամ Մարտիրոսյանի ասածը նույնքան անհեթեթ է, որքան անհեթեթ կլիներ եթե ես պատճառաբանեի իր հետ համագործակցելու ցանկության բացակայությունն այն բանով, որ Վահրամ Մարտիրոսյանը կրկնօրինակում է ռուս դերասան Միխաիլ Բոյարսկու «դրեսկոտը»՝ տարբեր միջոցառումներին հանդես գալով պատկերավոր գլխարկով՝ ա լյա Բոյարսկի: Ես առաջարկում եմ Վահրամ Մարտիրոսյանին արդեն գոյություն չունեցող «Գրիբոեդով ակումբի» անդամներին «սիրահետելու» փոխարեն Բոյարսկու գլխարկը դնի գլխին և գնա, տապալի ու փշրի Գրիբոյեդովի արձանը Երևանում: Դա իր նման գրողի համար ավելի բնութագրական կլինի, քան հոխորտանքը, թե ինչու Երևանում կարող էր գործել Գրիբոյեդովի անունը կրող ակումբ: Թե չէ Սերժ Սարգսյանը, որը մտահոգված էր այդ ակումբում իր քաղաքական հակառակորդների ներկայությունով և այդ պատճառով ռուսների ուղեղները լվանալու իր մենաշնորհի խաթարման վտանգով, արդեն դիմել է Մոսկվայի ամենաբարձր ատյաններ, որ ակումբը այլևս չհավաքվի:

Ի միջի այլոց՝ այդ իր պնդումը Սերժը պատճառաբանել է «ընդդիմության» կողմից «Գրիբոեդով ակումբի» գործունեության կապակցությամբ «աճող դժգոհությամբ»:

Իրականում այդ «դժգոհողները» հենց Սերժի ծպտյալ հաճախորդներն են, իսկ Սերժին առաջին հերթին դուր չէր եկել, որ հենց «Գրիբոյեդով ակումբի» մեր բարեկամների շնորհիվ կանխվեց ռուս ուժայինների միջամտությամբ ՊՊԾ-ի ճգնաժամի «հաղթահարումը»: Թե չէ Վահրամ Մարտիրոսյանի բարեկամ «տարոնականները» արդեն դիմել էին «ավագ եղբոր» ուժայիններին և «Ալֆան» կազմ ու պատրաստ սպասում էր հրամանին…

Շատ բան գիտեմ և մի ստիպեք բացել փակագծերը: Այսօր մենք իսկապես կանգնած ենք մի նոր Սարդարապատի առջև, և թող վահրամմարտիրոսյանները չպղծեն համախբման վերաբերյալ Ժիրայր Սեֆիլյանի անկեղծ մտահոգությունն իրենց էժանագին «աշխարհաքաղաքական» բանսարկություններով»: