«Ով կրակել ու ծեծել ա, պիտի պատժվեն»
ՀասարակությունԷջմիածնում ևս այսօր քաղաքապետի ընտրություններ են: Ազգային ժողովի ՀՀԿ խմբակցության պատգամավոր, գեներալ Մանվել Գրիգորյանն, ով գործող քաղաքապետ Կարեն Գրիգորյանի հայրն է, այսօր լրագրողների հետ զրույցում տեղեկացրել է, որ քվեարկել է հանուն պետության, հզորացման: Անդրադառնալով սեպտեմեբրի 16-ին ` Էջմիածին քաղաքում տեղի ունեցած դեպքերին, ասել է, որ քննությունը կպարզի, թե ինչ է տեղի ունեցել. «Ամեն ինչ էլ պատահում ա, լինում ա: Իրավապահ մարմինները զբաղվում են, ամեն ինչ էլ կպարզեն: Կան տուժողներ, մասնակիցներ, ամեն ինչ էլ կպարզվի»: Այն դիտարկման, որ գեներալի որդիներն էլ են ծեծին մասնակցել, Մանվել Գրիգորյանն արձագանքեց. «Եթե իմ որդիները որև մեկին կպել են, օրենքի ամբողջ խստությամբ կպատժվեն, իսկ շառ անողներն էլ պիտի պատասխան տան: Ով կրակել ա, պիտի պատժվի, ով ծեծել ա, պիտի պատժվի»,- ասել է Գրիգորյանը:
Ավելի վաղ տեղեկացրել էինք, որ սեպտեմբերի 16-ին, ժամը 23:30-ի սահմաններում Երևան- Էջմիածին ավտոճանապարհին կրակել են ԱԺ ՀՀԿ խմբակցության պատգամավոր, գեներալ Մանվել Գրիգորյանի որդու, Էջմիածնի գործող քաղաքապետ Կարեն Գրիգորյանի մեքենայի ուղղությամբ, որի մեջ այդ պահին եղել է պատգամավորի որդին: Ըստ շրջանառվող լուրերի` կրակողները եղել են քաղաքապետի թեկնածու Արթուր Թումանյանն ու Էջմիածնի նախկին քաղաքապետ Հրաչիկ Աբգարյանի եղբորորդին:
1
2
3
4
5
1
2
3
4
5
2
4
