«Մխիթարյանը սատկացնելու է ԲԿՄԱ-ի թափթփուկներին». Մոսկվան սպասում է հայ ֆուտբոլիստին

Առաջին / Չեմպիոնների լիգայի խաղարկության խմբային փուլի երկրորդ տուրում А խմբի առաջատար «Մանչեսթեր Յունայթեդը» վաղը Մոսկվայում կհանդիպի ԲԿՄԱ-ին: Առաջին տուրում «Յունայթեդը» սեփական հարկի տակ 3:0 հաշվով առավելության էր հասել բելգիական «Անդերլեխտի» նկատմամբ, իսկ մոսկովյան ակումբը հյուրընկալվելիս 2:1 հաշվով հաղթել էր պորտուգալական «Բենֆիկային»:

Առաջին մրցավեճում «Յունայթեդը» խաղալով 4-3-2-1 մարտավարությամբ՝ դինամիկ խաղ ցուցադրեց: Արդեն առաջին կեսում վնասվածքի պատճառով դաշտից հեռացավ անգլիական թիմի կենտրոնական կիսապաշտպան Պոգբան, որից հետո ենթահարձակվողի դիրքում խաղացող Հենրիխ Մխիթարյանը սկսեց ավելի ազատ գործել՝ իր վրա վերցնելով խաղը: Ու թեև վերոնշյալ խաղային դասավորությունը սովորաբար հաջողություն է բերում Ժոզե Մոուրինյոյի գլխավորած թիմին, բրիտանացի վերլուծաբանների զգալի մասը վստահ է, որ Մոուրինյոն վաղը կպայքարի 4-3-3 խաղային սխեմայով: Դա նշանակում է, որ առաջիկա խաղում Մոուրինյոն չի պատրաստվում գործել 2-րդ համարով՝ հույսը դնելով մրցակցի սխալների վրա:

Մեկնարկային հաղթանակից հետո Մոուրինյոն դժգոհել էր իր ֆուտբոլիստներից՝ նշելով, որ իր խաղացողները անհարգալից վերաբերմունք են ցուցաբերել մրցակցի հանդեպ, ինչն անընդունելի է: Ոմանք այն կարծիքին են, որ այս անգամ ևս «Յունայթեդը» կթերագնահատի մրցակցին, և դաշտի տերերը կօգտվեն դրանից և գոնե մեկ միավոր կվաստակեն:

«Սա Չեմպիոնների լիգայի սկիզբն է: Պետք է լուրջ վերաբերվել գործին: «Ռեալի», «Բարսելոնայի» ու «Բավարիայի» պես թիմերի համար Չեմպիոնների լիգան կսկսվի միայն փետրվարին: Այս թիմերը խմբային փուլում միայն նախավարժանք են կատարում: Երբ փետրվարին Պրեմիեր լիգայում սկսվեն ամանորյա խենթությունները, այդ ակումբները թարմ կլինեն և պատրաստ պայքարի: Հիմա մեզ համար առաջնային խնդիրն է նվաճել փլեյ-օֆֆի ուղեգիր: Երբ անենք դա, կարող ենք վայելել լավագույն ակումբների դեմ խաղալու հնարավորությունը»,- ասել է Մոուրինյոն:

շարունակությունը՝ կայքում