Արամյանը վարչապետին ակնարկեց հնարավոր պաշտոնանկության մասին

Առաջին / Կառավարությունն ակնհայտ ցայտնոտային վիճակում է հայտնվել: Որպեսզի ցույց տա, որ անցած մեկ տարում լավ է աշխատել ու արդյունքներ է գրանցել, նախարարներին հանձնարարվել է ժամանակացույցով օրը մեկը ասուլիս հրավիրել ու ներկայացնել կատարվածը: Այդ ասուլիսների շարքը բացեց ֆինանսների նախարար Վարդան Արամյանը: Նրա հայտարարությունները, սակայն, ոչ այնքան ձեռքբերումների, որքան դրանց բացակայության մասին էին: Ավելին՝ նա նաև հնարավոր տնտեսական վտանգավոր զարգացումների մասին մի քանի ակնարկներ արեց:

Նախ Վ. Արամյանը հայտարարեց, թե մինչև տարեվերջ կունենանք 4.3 տոկոս աճ: Հիշեցնենք, որ հունիս ամսին վարչապետ Կարեն Կարապետյանը Ազգային ժողովում կառավարության ծրագիրը ներկայացնելիս հայտարարել էր, թե իրենց առաջնային թիրախներից է տնտեսական աճի առաջանցիկ տեմպերի ապահովումը՝ միջին հաշվով ՀՆԱ-ի շուրջ 5 տոկոսի չափով: Եվ այս տարի Ազգային վիճակագրական ծառայությունը հիմնականում 5-6 տոկոս աճ է ցույց տվել: Մինչդեռ երեկ Վ. Արամյանը կարծես թե հակառակն ահազանգեց և Կ. Կարապետյանի ակնկալիքները կամ խոստումները, ինչու չէ՝ նաև ԱՎԾ տվյալներն անուղղակիորեն անիրական համարեց: Այս դեպքում հիշեցնենք նաև, որ մայիսի 18-ին Սերժ Սարգսյանն Ազգային ժողովում հնչեցրած ուղերձում հայտարարեց, որ 2016-2040թթ. մենք պետք է տարեկան միջինը 5 տոկոս աճ ապահովենք:

Իհարկե, Ս. Սարգսյանը շատ լավ հիշում էր, որ 2017թ. բյուջեում նախատեսված է ապահովել 3.2 տոկոս աճ, բայց նա 5 տոկոս ասելով՝ ավելի բարձր շեմ վերցրեց և Կ. Կարապետյանին էլ ստիպեց նույնը կրկնել ու մտնել այդ պարտավորության տակ: Բայց եթե Վ. Արամյանը հիմա ավելի ցածր թվի մասին է խոսում, նշանակում է այդ շեմի ապահովումը վտանգված է իր բոլոր հետևանքներով: Դա առաջին հերթին նշանակում է, որ վտանգված է հարկային եկամուտների հավաքագրումը: Մենք արդեն ներկայացրել էինք, որ մինչև տարեվերջ՝ առաջիկա չորս ամիսներին Պետեկամուտների կոմիտեն դեռ պետք է 480 մլրդ դրամ էլ հավաքի, որ կատարի բյուջեով նախատեսված 1 տրիլիոն 210 մլրդ դրամ ապահովելու պարտավորությունը: Այսինքն՝ յուրաքանչյուր ամիս պետք է առնվազն 120 մլրդ դրամ էլ հավաքի, այն դեպքում, երբ մինչև հիմա միջին ամսական ցուցանիշը եղել է 85-90 մլրդ դրամ: Իսկ տնտեսական աճի հնարավոր ցուցանիշի վերաբերյալ իր հայտարարությամբ Վ. Արամյանը ցույց է տալիս, որ ՊԵԿ-ը չի կարողանա հավաքել այդ գումարը, և բյուջեն կթերակատարվի:

շարունակությունը՝ կայքում