Դաշտանային ցավեր․ ինչպես մեղմել

Վիճակագրությունը ցույց է տալիս, որ աղջիկների և կանանց կեսն ունենում է դաշտանային ցավեր: Երևի հենց այդ պատճառով էլ նրանք տանել չեն կարողանում այդ օրերը: Սակայն կան միջոցներ, որոնք կօգնեն ձեզ՝ ավելի հեշտ անցնել այդ շրջանը:

Սովորաբար ամենաուժեղ ցավերը դուք զգում եք դաշտանային ցիկլի առաջին կամ երկրորդ օրը: Այդ օրերին կարևոր է ճիշտ սնվել: Աշխատեք շատ չուտել, սնվել փոքրիկ չափաբաժիններով: Կերեք շատ միրգ և բանջարեղեն:

Փորձեք ֆիզիկական վարժություններ կատարել,բայց ոչ շատ ինտենսիվ: Հիանալի կլինի, եթե յոգայով զբաղվեք: Ի դեպ, ապացուցված է, որ կանայք, ովքեր պարբերաբար սպորտով են զբաղվում, հազվադեպ են տառապում դաշտանային ցավերով:

Քչացրեք աղի և կոֆեինի կիրառումը: Չի կարելի, որ հեղուկ կուտակվի, իսկ կոֆեինը բարձրացնում է տոնուսն ու ուժեղացնում արնահոսությունը:

Շատ ժամանակ անցկացրեք պառկած: Փորին դրեք տաք սրբիչ. այն նույնպես կհանգստացնի ցավը:

Կարող եք փորձել հեռացնել ցավը կետային մերսման միջոցով: Դրա համար ոտքի վրա ներսի կողմից գտեք սրունքի և ծնկի միացման կետը: Սեղմեք այն 1-2 րոպե: Կրկնեք մյուս ոտքի վրա:

Փորձեք ձիթապտղի յուղը՝ ցավը հանգստացնելու համար: Տաքացրեք 1 ճաշի գդալ ձիթապտղի յուղն ու քսեք ցավոտ հատվածին:

Օգտակար է նաև բանանը: Կարող եք առավոտյան և երեկոյան բանան ուտել: Շատերին օգնում է:

Անանուխի և երիցուկի թեյերը օժտված են ցավազրկող հատկությամբ: Փորձեք դա նույնպես:

Չնայած որ այդ օրերին խորհուրդ չի տրվում լոգանք ընդունել, բայց ջուրն իսկապես թուլացնում է ցավը: Ջրին կարող եք ավելացնելմի քանի կաթիլ լավանդայի եթերային յուղ, որպեսզի ուժեղացնեք լոգանքի ազդեցությունը:

Աշխատեք չմրսել, որպեսզի վերը նշված խորհուրդները ձեզ այլեւս պետք չլինեն մյուս դաշտանային ցիկլի ժամանակ:

Այս թեմայով Ինչու է կուրծքը ցավում դաշտանից առաջ Ինչ ՉԻ կարելի անել ամսակաների օրերին Կլիմաքսը հնարավոր է դանդաղեցնել․ տեսանյութ Մասնագետները ստեղծել են հատուկ ներքնազգեստ` աղջիկների կրիտիկական օրերի համար Ինչ է կատարվում աղջկա հետ՝ դաշտանային ցիկլի տարբեր փուլերում. Տեսանյութ