Սերժ Սարգսյանը գտավ իր իշխանության տարբերակը

Լրագիր / Սերժ Սարգսյանն Ազգային անվտանգության խորհրդի նիստ է հրավիրել, որի ընթացքում քննարկվել են կոռուպցիայի դեմ պայքարի համակարգային բարեփոխումներին եւ տեղեկատվական անվտանգությանն առնչվող քայլեր:
Սարգսյանը դեռեւս նախորդ նիստում հայտարարել էր, որ այդ միջոցառումները, այսինքն ԱԽ հավաքները կլինեն ավելի հաճախ՝ կապված Հայաստանի կառավարման մոդելի փոփոխության եւ կիսանախագահականից լիարժեք խորհրդարանական մոդելի անցման, դրանով պայմանավորված նաեւ մի շարք ընթացակարգային հարցերի լուծման անհրաժեշտության հետ, որ թելադրում է նոր Սահմանադրությունը:
Նոր Սահմանադրությունն ընդհանրապես թելադրում է Անվտանգության խորհրդի նոր դեր, որը ներկայիս խորհրդակցական մարմնի կարգավիճակից խորհրդարանական կառավարման դեպքում փաստացի դառնում է իշխանության յուրօրինակ թեւ՝ որոշում կայացնելու իրավասությամբ:
Մյուս կողմից, այնքան էլ պարզ չէ, թե ինչ է նշանակելու ԱԽ որոշումը, այն ունենալու է ավելի՞ ուժ, քան, օրինակ կառավարության որոշումները:
Այդուհանդերձ, հանգամանքը, որ Անվտանգության խորհուրդը դառնում է որոշում կայացնող մարմին, այսինքն փաստացի իշխանության թեւ, ստեղծում է յուրահատուկ վիճակ: Ընդ որում, ԱԽ ղեկավարի պաշտոնը դիտարկվում է որպես Սերժ Սարգսյանի հնարավոր հետնախագահական կարգավիճակ, թեեւ տեղի ունեցող քայլերը եւ զարգացումները հուշում են, որ Սարգսյանն այդուհանդերձ առնվազն միառժամանակ կգերադասի ձեռնպահ մնալ պետական որեւէ կարգավիճակից եւ դե յուրե պատասխանատվություն չկրել իշխանության գործունեության համար:

շարունակությունը՝ կայքում