Անսպասելի զարգացում` «Սասնա ծռեր» խմբի անդամների գործով
Քաղաքականություն
«ՀԺ» / «Սասնա ծռեր» խմբի 18 անդամների գործն այսօր անսպասելի զարգացում ստացավ:
Ավան եւ Նոր Նորք վարչական շրջանների ընդհանուր իրավասության դատարանում դատավոր Արտուշ Գաբրիելյանն այսօր նիստը սկսվելուն պես, երբ դեռ ոչ բոլոր պաշտպաններն էին ներկայացել, եկավ նիստերի դահլիճ եւ հայտարարեց, որ դատարանը հեռանում է խորհրդակցական սենյակ՝ դատական ակտ կայացնելու: Այս հայտարարությունը դահլիճում գտնվող փաստաբաններին զարմացրել էր: Խորհրդակցական սենյակից վերադառնալուց հետո պարզ դարձավ, որ Գաբրիելյանը որոշել է սույն քրեական գործից մաս անջատել:
«Դատարանը որոշեց գործից անջատել Արամ Մանուկյանի, Հակոբ Թամրազյանի, Տիգրան Մանուկյանի, Սերգեյ Կյուրեղյանի, Թորոս Թորոսյանի, Գեւորգ Իրիցյանի, Հովհաննես Հարությունյանի, Արայիկ Հակոբյանի, Մարտիրոս Հակոբյանի, Արամ Հակոբյանի եւ Վարդան Գերավետյանի մասերը »,- ասաց Գաբրիելյանը, ապա հայտարարեց, որ մյուսների մասով գործը թողնում է իր վարույթում:
Մեր տեղեկություններով, անջատված մասով գործը կքննի օրեր առաջ Էրեբունի եւ Նուբարաշեն վարչական շրջանների ընդհանուր իրավասության դատարան գործուղված Մեսրոպ Մակյանը:
Նշենք, որ այսօրվա նիստին ներկայացել էին ամբաստանյալների բոլոր պաշտպանները: Մասնավոր փաստաբանները դատարան էին ներկայացել «Ազատություն Արտուշ Գաբրիելյանին», «մի բռնաբարեք իրավունքը» շապիկներով: Նրանք նման ակցիա սկսել էին երեկվա նիստի ժամանակ:
1
2
3
4
5
1
3
5
1
3
4
5
