Ինֆարկտից մեկ ամիս առաջ ձեր օրգանիզմը կսկսի զգուշացնել ձեզ. 6 գլխավոր ախտանիշ

Life 19 Սեպտեմբեր, 2016 18:16

Fithacker.ru կայքը գրում է, որ սրտի կաթվածի հետևանքով մահացու ելքերի քանակն ավելացել է։ Դա զարմանալի չէ, քանի որ մենք արագ կենսակերպ ենք վարում, վնասակար մթերքներ ենք ուտում և բազմաթիվ վնասակար սովորություններ ունենք։

Ըստ կայքի՝ սրտի կաթվածից մեկ ամիս առաջ կհայտնվեն հետևյալ 6 ախտանշանները։

Շնչահեղձություն։ Եթե թոքերն անհրաժեշտ քանակով թթվածին չեն ստանում, նշանակում է՝ ձեր սիրտը ևս չի ստանա արյան անհրաժեշտ քանակը։ Սա նշանակում է, որ այս երկու համակարգերը փոխկապակցված են։ Եթե ձեզ մոտ շնչառական համակարգի հետ խնդիրներ են առաջացել, անմիջապես բժշկի դիմեք, քանի որ սա կարող է սրտի կաթվածի ահազանգ լինել։
Մրսածության և գրիպի ախտանշաններ։ Որոշ մարդիկ հենց սրտի կաթվածից առաջ սկսում են այս երկու երևույթների ախտանշանները զգալ։ Դիմեք բժշկի, եթե կարծում եք, որ այս ախտանշանները կարող են սրտի կաթվածի նախանշան լինել։
Կրծքի հատվածում ճնշման զգացողություն։ Երբեմն մարդիկ անուշադրության են մատնում այս նշանը, քանի որ կարծում են, թե սա նորմալ է, և չկա որևէ տարօրինակ բան։ Կրծքի հատվածում ճնշման զգացողությունն ամենաակնհայտ նշաններից է, որը կարող է խոսել այն մասին, որ մոտակա ժամանակահատվածում անձը կարող է սրտի կաթված ստանալ։
Թուլություն։ Սա ևս կարող է մոտեցող սրտի կաթվածի մասին խոսել։ Երբ երակները սեղմվում են, արյունը ճիշտ չի շրջանառվում։ Սա կարող է կաթվածի հանգեցնել։ Ուշադիր եղեք. հաճախ թուլություն զգալու դեպքում դիմեք բժշկի օգնությանը։
Սառը քրտինք և գլխապտույտ։ Արյան վատ շրջանառությունն ազդում է ուղեղին արյուն հասնելու վրա, ինչը մեծ նշանակություն ունի ուղեղի ճիշտ աշխատանքի համար։
Քրոնիկական թուլություն։ Եթե նույնիսկ քնից հետո հոգնածություն և թուլություն եք զգում երկար ժամանակ, դա կարող է նշանակել, որ սիրտն անհրաժեշտ քանակով արյուն չի ստանում։

Նյութը՝ 168.am-ի