«7-8 մարդակերպ գետնին ընկած իրենց հասակակցին ոտնատակ էին արել ու ծեծում էին». նախկին նախարարն է միջամտել
Հասարակություն- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- ВКонтакте
- Viber
- Skype
- Telegram

ԵՊՀ սահմանադրական իրավունքի ամբիոնի վարիչ Գեւորգ Դանիելյանն անդրադարձել է երեկ՝ սեպտեմբերի 29-ին, կեսօրին Ալեք Մանուկյան փողոցում՝ Մանկավարժական համալսարանի հարեւությամբ տեղի ունեցած ծեծկռտուքին:
Նա Facebook-ի իր էջում, մասնավորապես, գրել է.
«Դեպքի կապակցությամբ. ԵՊՀ այն ուսանողները, որոնք հանգիստ դիտում էին, թե ինչպես են, թող ներվի ասել, 7-8 մարդակերպ գետին ընկած իրենց ընկերոջը կամ պարզապես հասակակցին ոտնատակ արել ու ծեծում (մեկի ձեռքին անգամ մահակ կար), այլեւս պետք է դադարեն իրենց անձի նկատմամբ տարրական հարգանք ակնկալելուց:
«Տղեք», այդ «քաջերին» ուղղված իմ հոխորտանքերն ու սթափեցնող-վիրավորական արտահայտությունները, որոնք ծանր հետեւանքները կանխելու նպատակ ունեին եւ, բարեբախտաբար, ունեցան, նույն չափով ձեզ են վերաբերում, չի կարելի այդչափ անտարբեր լինել, դուք ո՞նց եք հետագայում համակարգ ու անգամ փոքր ստորաբաժանում ղեկավարելու, դուք ընդհանրապես ինչպե՞ս, ի՞նչ բարոյական իրավունքով եք դիտողություն անելու ձեր զավակներին: Խնդրում եմ, մտածեք...»:
Ավելի վաղ հայտնվել էր, որ Երեւանի Ալեք Մանուկյան փողոցում՝ Մանկավարժական համալսարանի հարեւությամբ, երեկ կեսօրին մի քանի տասնյակ ուսանողների մասնակցությամբ վիճաբանություն է տեղի ունեցել, որը վերածվել է ծեծկռտուքի:
Մինչ ոստիկանների՝ դեպքի վայր ժամանելը, ըստ ականատեսների, վիճաբանության մասնակիցները հեռացել են: Տեղեկություններ կան, որ միջադեպին մասնակցել են ֆիզկուլտինստիտուտի ուսանողները:
Հատկանշական է, որ ոստիկանությունում նման ահազանգ չեն ստացել:
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- ВКонтакте
- Viber
- Skype
- Telegram