Կոռուպցիան ու անգործությունը վերացնելու պրոցեսը Վարչապետն սկսել է հենց իր աշխատակազմից

Հարություն Մնացականյանը գրում է․

ՀՀ նոր վարչապետի առաջին քայլերից:
1․Արդեն չեղյալ է ճանաչել նախկին վարչապետի՝ վերջին մի քանի որոշումներ։
2․Արդարադատության նախարար Արփինե Հովհաննիսյանի գործուղման ծախսերը չի հաստատել։ Պարզել է, որ հրավորողի հաշվին էր։
3․Ազատվել է խորհրդականներից և օգնականներից:

Խմբ․ - Ներկայացնում ենք ՀՀ վարչապետ Կարեն Կարապետյանի որոշումը՝ Արփինե Հովհաննիսյանի` Լեհաստան գործուղման ծախսերի մասին. Համաձայն Հայաստանի Հանրապետության Նախագահի 2007 թվականի հուլիսի 18ի ՆՀ174Ն հրամանագրի 1ին կետով uահմանված կարգի 121րդ կետի 3րդ ենթակետի`

«1. ԵԱՀԿ/ԺՀՄԻԳի կողմից կազմակերպվելիք «Ընտրությունների գնահատմանն ու առաջարկությունների կատարման ընթացքի վերաբերյալ» թեմայով հանդիպմանը մասնակցելու նպատակով Հայաստանի Հանրապետության արդարադատության նախարարի պաշտոնակատար Արփինե Հովհաննիսյանի` 2016 թվականի սեպտեմբերի 1820ը Լեհաստանի Հանրապետություն (Վարշավա) գործուղման հետ կապված օրապահիկի ծախսերը կատարել Հայաստանի Հանրապետության 2016 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

2. Ընդունել ի գիտություն, որ Արփինե Հովհաննիսյանի՝ Լեհաստանի Հանրապետություն (Վարշավա) գործուղման հետ կապված ճանապարհածախսը և գիշերավարձի հետ կապված ծախսերը կատարվելու են հրավիրող կողմի հաշվին:

3. Հայաստանի Հանրապետության արդարադատության նախարարի պաշտոնակատարին՝ եռօրյա ժամկետում Հայաստանի Հանրապետության կառավարության աշխատակազմ ներկայացնել Լեհաստանի Հանրապետություն գործուղման արդյունքների մասին հաշվետվությունը»: