Խորհուրդներ գինեկոլոգներից՝ աղջիկներին. ինչպես պահպանել առողջությունը ցուրտ օրերին

Ցուրտ եղանակը վտանգավոր ժամանակահատված է կանանց համար: Ցուրտ ամիսների ընթացքում իմունային համակարգը թուլանում է և սրվում են բոլոր քրոնիկ բորբոքային գործընթացները: Վիճակն էլ ավելի չվատացնելու և շատ ավելի վտանգավոր հիվանդություններ ձեռք չբերելու համար հարկավոր է հետևել մասնագետների խորհուրդներին:

Խորհուրդներ կանանց՝ ցուրտ եղանակին առողջությունը պահպանելու համար

1. Կրել ճիշտ ներքնազգեստ

Ցուրտ եղանակին գինեկոլոգները խորհուրդ չեն տալիս անընդհատ կրել սեղմող ներքնազգեստ, քանի որ այն խանգարում է կոնքի հատվածում արյան շրջանառությունը: Լավագույն տարբերակը ամուր բամբակյա ներքնազգեստն ու ոչ շատ հաստ կրծկալն է: Ջերմային ներքնազգեստ հարկավոր է միայն դրսում աշխատելու դեպքում կամ ակտիվ հանգստի ժամանակ: Բացի այդ, հարկավոր է կրել ամուր բնական նյութերից պատրաստված զուգագուլպաներ և հրաժարվել սինթետիկ կտորներից:

2. Չմրսել

Պետք չէ նստել սառը նստարաններին կամ չափազանց երկար ժամանակ անցկացնել դրսում կանգնած:

3. Հետևել քաշին

Ցրտին շատ կանայք գիրանում են, իսկ քաշի տատանումները խախտում են հորմոնալ բալանսն ու դաշտանային ցիկլը: Ցուրտ եղանակին հարկավոր է հրաժարվել խիստ դիետաներից: Այս ամիսներին սննդակարգը փոխվում է, ինչի հետևանքով օրգանիզմն ավելի քիչ մանրաթելեր է ստանում: Այս ամենի հետևանքով առաջանում է փորկապություն, ինչն էլ ավելի է վատացնում իրավիճակը:

4. Տաք հագնվել

Ցուրտ եղանակին ցանկալի է մոռանալ կարճ շապիկների և առհասարակ բարակ հագուստի մասին, քանի որ մրսելու հետևանքով կարող է առաջանալ ցիստիտ կամ ձվարանների բորբոքում: Բացի այդ, չի կարելի կրել նեղ կոշիկ. դրանք դանդաղեցնում են արյան շրջանառությունը, իսկ սառած ոտքերը կարող են դառնալ երիկամներ հիվանդությունների պատճառ:

5. Չի կարելի սառը վայրից գալիս միանգամիտ տաք ջրի մեջ մտնել

Սա կարող է առաջացնել բորբոքումներ: Փոխարենը հարկավոր է հագնել չոր տաք հագուստ և բրդյա գուլպաներ, խմել կոճապղպեղով տաք թեյ կամ դարչինով կապուչինո:

6. Ձմռանը տաք երկրներում չհանգստանալ

Ակլիմատիզացիան կարող է առաջացնել դաշտանային ցիկլի խանգարումներ և նպաստել բորբոքային գործընթացների սրմանը:

7. Խուսափել վարակներից հղիության ընթացքում

Հղի կանայք պետք է շատ ուշադիր լինեն: Առաջին հերթին՝ շատ վտանգավոր են մերկասառույցները: Բացի այդ, բարձր է նաև վիրուսային հիվանդությունների կամ բակտերիալ վարակների հավանականությունը, ինչը խիստ վտանգավոր է երեխայի համար: Այս ընթացքում հարկավոր է բնական եղանակներով բարձրացնել իմունիտետը, լավ սնվել և խուսափել հասարակական տրանսպորտից և այլ հասարակական վայրերից:
Մասնագետների այս խորհուրդները շատ կարևոր են և ոչ մի դեպքում չի կարելի անտեսել դրանք, քանի որ ցրտին շատ բարձր է լուրջ հիվանդությունների և նույնիսկ անպտղության հավանականությունը: