Ռուսաստանում գնացքի ու ավտոբուսի վթարի զոհերի թիվը հասել է 19-ի (Տեսանյութ)
ԱշխարհՌուսաստանի Դաշնության Վլադիմիրի մարզում գնացքի ու ավտոբուսի բախման հետեւանքով զոհերի թիվը հասել է 19-ի, գրում է lenta.ru-ն:
Զոհերի թվում կա 3 երեխա: Ռիա Նովոստին էլ գրում է`Վլադիմիրի մարզպետի մամուլի քարտուղար Ռիտա Շլյախովան հայտնել է, որ զոհերից 15-ն Ուզբեկստանի քաղաքացի են:
Նա մանրամասնել է, որ ղազախական պետհամարանիշով ավտոբուսում Ուզբեկստանի քաղաքացիներ են եղել: Հայտնի է, որ ավտոբուսը ճանապարհի կեսին՝ երկաթգծի վրա, փչացել է, ու այն հնարավոր չի եղել տեղից շարժել:
«Ավտոբուսում մարդիկ քնած են եղել: Վարորդը բղավել է, ինչից հետո ուղեւորներից 34-ն իջել են ավտոբուսը տեղից շարժելու համար: Արդյունքում նրանք ողջ են մնացել, զոհվել են միայն ավտոբուսում մնացածները»,- պատմել է Շլյախովան եւ հավելել, որ ավտոբուսը գնացքի հետ բախումից կտոր-կտոր է եղել:
1
2
3
4
5
1
2
3
4
5
2
3
4
5
