Լեհ երկրպագուները հայհոյել են Ադրբեջանին, Ռուսաստանին, Ռուբեն Հայրապետյանին
Սպորտ
Լեհ ֆուտբոլասերները Երեւանում իրենց հավաքականին երկրպագելիս երգերով ու իրենց թիմին աջակցող վանկարկումներով չեն բավարարվել: Վերջին 2 օրերի ընթացքում փողոցներով շրջելիս նրանք լեհերենով հայհոյել են Ռուսաստանին, Ադրբեջանին եւ Հայաստանի ֆուտբոլի ֆեդերացիայի նախագահ Ռուբեն Հայրապետյանին: Հայ երկրպագուներից armtimes.com-ին հայտնեցին, որ հենց իրենք են լեհերին սովորեցրել Ադրբեջանին ու Հայրապետյանին հայհոյել: Նշեցին, որ Ադրբեջանին ու Ռուսաստանին լեհերը հայհոյել են նաեւ Վազգեն Սարգսյանի անվան «Հանրապետական» մարզադաշտում, իսկ Հայրապետյանին՝ միայն Երեւանի փողոցներում:
Լեհաստանից աշխարհի 2018 թ. առաջնության ընտրական փուլի Հայաստան-Լեհաստան հանդիպումը դիտելու համար Երեւան էին եկել բազմաթիվ երկրպագուներ: Արդեն խաղի նախօրեին մայրաքաղաքի տարբեր վայրերում կարելի էր տեսնել՝ ինչպես են նրանք բարձր տրամադրությամբ, երգերով, վանկարկումներով պատրաստվում առաջիկա հանդիպմանը: Խաղի ընթացքում նրանք զբաղեցրել էին հյուսիսային տրիբունայի գրեթե կեսը եւ մի փոքր հատված արեւմտյան տրիբունայի ծայրում՝ հարավային տրիբունային մոտ:
Երեկ՝ հոկտեմբերի 4-ին, Հայաստան-Լեհաստան հանդիպումն ավարտվեց հայերի 1:6 հաշվով պարտությամբ: Հաջորդ խաղում Հայաստանը հյուրընկալվելու է Ղազախստանին: Այդ հանդիպումը կայանալու է հոկտեմբերի 8-ին:
1
2
3
4
5
1
2
4
5
1
2
3
4
5
