«Հայկական ֆուտբոլի մակարդակը համապատասխանում է երկրի կենսամակարդակին». Արթուր Պետրոսյան

«ՀԺ» / Հայաստանի ֆուտբոլի ազգային հավաքականի գլխավոր մարզիչ Արթուր Պետրոսյանը կարծում է, որ հաշվի առնելով Հայաստանի ներկայիս կենսամակարդակը՝ ավելի լավ ֆուտբոլ դժվար է ակնկալել: Հայաստանի ֆուտբոլի ֆեդերացիայի պաշտոնական կայքի փոխանցմամբ՝ այս մասին նա ասել է աշխարհի 2018 թ. առաջնության ընտրական փուլի վերջին՝ Ղազախստանի դեմ արտագնա հանդիպումից հետո (1:1): Մամուլի ասուլիսի ընթացքում նա խոսել է Ղազախստանի դեմ խաղի, ինչպես նաեւ հայկական ֆուտբոլի մասին:

-Պարոն Պետրոսյան, Ձեր տպավորությունները խաղից եւ խնդրում եմ մասնրամասնել, թե ինչ կատարվեց թիմի հետ երկրորդ խաղակեսում, միանգամայն տարբեր խաղակեսեր տեսանք, ի՞նչ տեղի ունեցավ։
-Իմ կարծիքով շատ հետաքրքիր խաց ստացվեց, մասնավորապես խաղի մեկնարկը, փոխադարձ գրոհներով։ Կարելի է ասել, որ թիմերը շատ սխալներ թույլ տվեցին պաշտպանությունում։ Առաջին խաղակեսում մենք տիրում էինք նախաձեռնությանը, գոլ խփելու շատ հնարավորություններ ունեինք, ցավոք չկարողացանք երկրորդ գոլը խփել։ Իսկ երկրորդ խաղակեսում մեր տղաները մի փոքր հոգնել էին, հարկադրված փոփոխություն կատարեցինք եւ խաղը չստացվեց։ Կարծում եմ, որ Ղազախստանի հավաքականն իր խաղով արժանի էր մեկ միավոր վաստակելու։ Չնայած հանդիպման վերջին վայրկյաններին մենք կարող էինք կորզել հաղթանակը, բայց, իմ կարծիքով, այսօր Ղազախստանի հավաքականը արժանի չէր պարտության։

-Ձեր կարծիքով, այսօրվա հանդիպումից հետո, Դուք կարողացա՞ք արդարանալ ձեր երկրպագուների առջեւ 1:6 հաշվով պարտությունից հետո։

-Համենայնդեպս, այսօր բոլոր տղաները պայքարում էին, աշխատում էին դաշտում, որպեսզի առավելագույն արդյունքի հասնեն։ Չեմ կարող ասել, բավարարված են երկրպագուները թե ոչ, բայց ես տղաներին ասել եմ, որ այսօր իրենք արել են ամեն ինչ դրական արդյունքով խաղն ավարտելու համար։

շարունակությունը՝ կայքում