Ամեն ինչ կորոշի Սերժ Սարգսյանի հանդիպումը Ռուբեն Հայրապետյանի հետ

Լրագիր / Դեռ չեմ հանդիպել ֆուտբոլի ֆեդերացիայի նախագահին, այդ հանդիպումից հետո կլինի որոշումը, Ղազախստան-Հայաստան ֆուտբոլային հանդիպումից հետո հայտարարել է Հայաստանի հավաքականի գլխավոր մարզիչ Արթուր Պետրոսյանը, պատասխանելով իր հետագա աշխատանքի մասին հարցին: Աստանայում տեղի ունեցած հանդիպումը վերջինն էր 2018 թվականի աշխարհի առաջնության ընտրական մրցափուլում: Ընտրական մրցաշարը Հայաստանի հավաքականի համար ստացվեց շատ վատ, թե արդյունքի, թե պարզապես խաղի որակի առումով:
Արթուր Պետրոսյանը գլխավոր մարզիչ նշանակվեց մրցաշարի երրորդ տուրից հետո, երբ մինչ այդ հավաքականը նախորդ մարզիչ Վարուժան Սուքիասյանի գլխավորությամբ ունեցավ երեք պարտություն: Մնացած 7 խաղերում Պետրոսյանի գլխավորությամբ թիմն ունեցավ երկու հաղթանակ, մեկ ոչ ոքի եւ 4 պարտություն, այդ թվում նախավերջին տուրում սեփական հարկի տակ 1:6 հաշվով զիջելով լեհերին:
Հավաքականի խաղն առաջացրել է մեծ դժգոհություն երկրպագուների շրջանում: Հետաքրքիր է այն, որ դժգոհությունը ոչ այնքան մարզչից է եւ ֆուտբոլիստներից, որքան ֆուտբոլի ֆեդերացիայի նախագահից: Տեսականում դա ոչ այնքան բնականոն ռեակցիա է, սակայն Հայաստանում իրականությունն այլ է, եւ դրանից ելնելով էլ երկրպագուները դժգոհում են ֆեդերացիայի նախագահից, լավ գիտակցելով ու պատկերացնելով, որ նա գրեթե ֆուտբոլային միապետ է՝ հատկապես հավաքականներին առնչվող մասով:

շարունակությունը՝ կայքում