Միջազգային սկանդա՞լ է հասունանում Խոսրովի հրդեհի գործով

armtimes.com / ԱԻ նախարարի կարծիքով Խոսրովի արգելոցի հրդեհի շուրջ միազգային սկանդալ չի հասունանում, չնայած այն հանգամանքին, որ օգոստոսի 13-ին ամերիկյան կողմը հայկական կողմի խնդրանքով տրամադրել է արբանյակային լուսակարները, որը Բնապահպանության նախարարությունը փոխանցել է քննչական մարմնին, իսկ բնապահպանության նախարար Արծվիկ Մինասյանն էլ հենվելով այդ լուսանկաների վրա հայտարարել էր.

«Մենք ստացել ենք ամսի 13-ի, այսինքն՝ հրդեհի հաջորդ առավոտվա լուսապատկերը, որով երեք օջախ է երևում՝ իրարից անկախ, և դա վկայում է այն մասին, որ այնուամենայնիվ, որոշակի գործողություն է տեղի ունեցել»,- ասել է Մինասյանը:

ԱԻ նախարար Դավիթ Տոնոյանն այս ամենին վերաբերյալ ԱԺ-ում ասաց, որ նախաքննական մարմնի կողմից մեղադրանք է առաջադրվել որոշ անձանց եւ առաջիկայում ամեն ինչ պարզ կլինի:

«Մենք հրդեհի պահին եղել ենք այնտեղ եւ մինչեւ արբայնակային նկարների լինելը որոշակի գնահատական ենք տվել: Ես՝ ինքնս, համոզված եմ, որ հրդեհը եղել է անփութության արդյունք: Հնարավոր է, որ եղել է հրդեհաշիջման ոչ արհեստավարժ մոտեցում, եւ սրա պատճառով այլ վայրերում է ծավալվել կրակը, որին նպաստել է նաեւ ուժեղ քամին: Բնապահպանության նախարարը պնդում չի արել, նա խոսել է հնարավոր տարբերակների մասին: Մեր խոսքում դիտավորույթուն չկա, ես չեմ լսել դիտավորության վարկածի առաջ քաշումը»,- ասաց Տոնոյանը: Եւ այնուամենայնիվ, բնապահպանության նախարար Արծվիկ Մինասյանը մի քանի օր առաջ 1in.am-ի հետ զրույցում պնդում էր, դիտավորության վարկածը եւ ըստ էության նաեւ ակնարկում, որ դա կարող էր նաեւ դավադրություն լինել, իր եւ նախարար Տոնոյանի դեմ: Այնպես որ, եթե ոչ միջազգային, ապա տեղական մակարդակի սկանդալ այս պատմության շուրջ պետք չէ բացառել: