Եզդի երգչուհի Զառայի հայերեն երգը հուզել է Կրեմլյան պալատի հանդիսատեսին

Հայկական «Դլե Յաման»–ը քրդական ծագմամբ երգչուհի Զառայի հուզիչ կատարման շնորհիվ սիրվեց նրա արվեստի երկրպագուների կողմից և ճանաչելի դարձավ։ Հայտնի եզդի երգչուհի Զառան Կրեմլում տեղի ունեցած համերգի ժամանակ ցնցել է հանդիսատեսին իր կատարմամբ։ Նա երգել է ինչպես արդեն հայտնի, այնպես էլ նոր հիթեր։ Եվ իհարկե, երգչուհին հուզեց հանդիսատեսին «Դլե Յաման» հայկական ժողովրդական երգի կատարմամբ։

 

Публикация от Зара (@zara_music) Окт 15 2017 в 3:54 PDT

Կրեմլում կայացած Զառայի մենահամերգը, ինչպես խոստովանել է ինքը` երգչուհին, իր կարիերայի մի նոր փուլ դարձավ։ Դատելով նրանից, թե երգչուհու երգերն ինչպես ընդունեց Ռուսաստանի հանդիսատեսը, կարելի է ասել, որ երգչուհու այս նոր շրջանն իսկապես բավականին տպավորիչ սկսվեց, հայտնում է «Զվեզդա» հեռուստաալիքը։

Զառայի հետ բեմում հանդես եկավ լեգենդար ֆրանսիացի երգչուհի Միրեյ Մաթյեն։ Այս դուետը հիացրեց հանդիսատեսին, նրանք ծաղիկներ նվիրեցին երգիչներին։

Համերգից անմիջապես հետո երգչուհու սոցցանցերի էջերում հարյուրավոր հիացական մեկնաբանություններ հայտնվեցին շոուի վերաբերյալ։