Մարիանա Հակոբյանը պսակվել է․ լուսանկարներ

ATV հեռուստաընկերության «Այսօր» լրատվականի մեկնաբան Մարիաննա Հակոբյանը  պսակադրվեց։ Նա և ու սիրելին` Հրաչը, Մուղնու սուրբ Գևորգ եկեղեցում փոխանակվեցին ամուսնական մատանիներով և միմյանց հավերժ սիրելու երդում տվեցին։ Tert.am Life–ը ներկայացնում է առաջին լուսանկարները զույգի հարսանիքից։

Եկեղեցու բակում հնչում էր դասական երաժշտություն։ Զույգը հարսանիքի ժամանակ չի պահպանել ավանդական երթուղին։ Հարսն ու փեսան հանդիպեցին եկեղեցում։ Միմյանց տեր և հնազանդ լինելու երդում տալուց հետո Հրաչն ու Մարիաննան կարճատև ֆոտոշարք արեցին, ապա ուղևորվեցին ռեստորանային համալիր, որտեղ կշարունակեն հարսանեկան խնջույքը։ Հարսանեկան խնջույքի հյուրերը կլինեն մոտ 100 հոգի` միայն ամենամտերիմ մարդիկ։

Մարիանան երկար է փնտրել հարսանեկան զգեստ, ի վերջո, որոշել է դիմել դիզայների և սեփական նախասիրություններով կարել իր երազանքների հասանեկան զգեստը, որը բաց կաթնագույն էր։

Հաղորդավարուհու ընտրյալը՝ Հրաչը, մասնագիտությամբ ճարտարապետ-դիզայներ է: Կարելի է փաստել, որ Հրաչը շատ ուշադիր է Մարիաննայի հանդեպ։ Փեսան հաճոյախոսություններ չէր խնայում սիրելիի համար։ Լուսանկարվելիս նա նշեց, որ Մարիաննայի հետ անկախ ամեն ինչից գեղեցիկ լուսակարներ կստացվեն, քանի որ կինը շատ գեղեցիկ է։

Մարիաննան ու Հրաչը միասին են արդեն 6 տարի։ Երկարատև սիրավեպի ընթացքում զույգն ունեցել է որոշակի դադար, որը ստիպել է հասկանալ, որ առանց իրար ապրել չեն կարող։

Վերջերս Հրաչն անակնկալ ամուսնության առաջարկություն էր արել հաղորդավարուհուն։ Թեև Մարիաննան նշել էր, որ վախենում է ամուսնությունից, ընդունել էր սիրելիի առաջարկը` պայմանով, որ Հրաչն իրեն չի սահմանափակի։

մանրամասն՝ կայքում