Հարաբերությունների 11 տեսակ գոյություն ունի․ ո՞րն է բնորոշ հենց ձեր զույգին

Ձեր հարաբերությունները բավականին նորմալ են թվում թե՛ ձեզ, թե՛ շրջապատի համար։ Արդյո՞ք դա այդպես է։ Առաջարկում ենք ստուգել։ EnterTrain-ը ներկայացնում է 10 հարաբերությունների տեսակ, որոնք անհապաղ պետք է դադարեցնել, և միայն 1 տեսակ, որն արժի պահպանել։ Նկարագրերից ո՞րն է բնորոշ հենց ձեր զույգին։

 

 

1. Չափից դուրս շատ ազատություն

Ոչ մի վատ բան չկա անկախ լինելու և զուգընկերոջ ազատությունը չսահմանափակելու մեջ։ Այնուամենայնիվ, հարաբերությունները որոշակի կոմպրոմիսներ են պահանջում և չափից դուրս տրամադրված ազատությունը կարող է վկայել սիրո բացակայության մասին։

 

2. Դուք չափազանց կապված եք միմյանց

Չափազանց կապվածությունը կարող է վնասել հարաբերություններին։ Այսպիսի զույգը անդադար փորձում է լինել զուգընկերոջ ուշադրության կենտրոնում, ցանկանում է ամեն ինչ անել միասին, ամեն տեղ լինել միասին, իսկ առանց զուգընկերոջ իրենց անվստահ են զգում, բացատրություններ պահանջում։

 

3. Մեկը հրամայում է, մյուսը՝ հնազանդվում

Զուգընկերներից մեկի չափազանց վերահսկողությունը մյուսի նկատմամբ խոսում է ազատության, վստահության և հարգանքի բացակայության մասին։  Ինչպե՞ս է հնարավոր ներդաշնակ հարաբերություններ կերտել այսպիսի պայմաններում։

 

4. Բաց հարաբերություններ

 

Այսպիսի հարաբերություններում ոչ թե երկուսն են, այլ բազմաթիվ մարդիկ՝ բարեկամները, ծնողները, ընկերները, ծանոթները և այլն։ Մի՛ թույլ տվեք ոչ մեկին ներթափանցել ձեր հարաբերությունների մեջ և ինքներդ էլ դադարեք քննարկել ձեր զույգի խնդիրները ընկերների կամ բարեկամների հետ։

 

5. Զոհաբերող հարաբերություններ

Դուք անդադար փորձում եք փոխել ձեր պլանները, հետաքրքրությունները, ընկերներին և այլն, որպեսզի գոհացնեք ձեր զուգընկերոջը։ Այսինքն, պարբերաբար զոհողությունների եք գնում։ Սա կարող է և այդքան էլ վատ չէ, սակայն պետք է հիշել, որ հարաբերություններում պետք է փոխադարձություն լինի։ Պետք է ոչ միայն տալ, այլև ստանալ սեր։

 

6. Կործանիչ հարաբերություններ

 

Դուք կարծես սիրում եք միմյանց, բայց չեք ցանկանում զիջել, որևէ բան զոհաբերել հանուն հարաբերությունների։ Ձեզ դուր է գալիս սեքսը, բայց չեք սիրում միասին ժամանակ անցկացնել, կամ հակառակը։ Վաղ թե ուշ այսպիսի հարաբերությունները կավարտվեն։

 

7. Թեթև հարաբերություններ

Ձեզանից և ոչ մեկը ոչինչ չի սպասում այս հարաբերություններից։ Դուք պարզապես ուրախ ժամանակ եք միասին անցկացնում, կամ էլ ձեզանից մեկը փորձում է պարզապես մոռանալ իր նախկին հարաբերությունները ձեր գրկում։

 

8. Դուք լավագույն ընկերներ եք

Այսպիսի հարաբերություններում երկու զուգընկերն էլ հարմարավետության զգացում ունեն, կարող են ունենալ ընդհանուր հետաքրքրություններ։ Սական դուք պարզապես լավագույն ընկերներ եք, որևէ այլ կապ, ձգողություն ձեր մեջ չկա։

 

9. Ձեզ կապում է սեքսը

Դուք իդեալական սեքսուալ համատեղելիություն ունեք, սակայն առանձնահատուկ կապ ձեր մեջ չի նկատվում։ Դուք կարծում եք, որ եթե հրաշալի սեքս կա, մնացած այլ դժվարությունները կկարողանաք հեշտությամբ հաղթահարել։ Որոշ զույգերը բոլոր խնդիրները անկողնում են լուծում, սակայն մի պահ մտածեք․ ի՞նչ կլինի, երբ կիրքը սառչի, ի՞նչն է պահելու ձեր հարաբերությունները։

 

10. Հարաբերություններ հեռավորության վրա

 

Հազվադեպ են հարաբերությունները հեռավորության վրա երկար տևու։ Ինչքա՞ն երկար կգոյատևի կապն առանց հանդիպումների, քնքշանքների, համբույրների և գրկախառնությունների․ ժամանակը ցույց կտա։

 

11. Առողջ հարաբերություններ

Հարաբերություններ, որոնք հիմնված են վստահության, սիրո և հարգանքի վրա։ Երկուսն էլ ձգտում են միասին ժամանակ անցկացնել, հասկանալ իրար, ավելի լավ ճանաչել, կիսել իրար հետ ուրախ և տխուր պահերը, հարգանք են ցուցաբերում դիմացինի անձնական տարածքի նկատմամբ, փոխզիջումների են գնում։ Սա ամենաներդաշնակ հարաբերություններն են։