Խորամանկ ու գեղեցիկ աղջկա կերպար. Մերի Հակոբյանի մուտքը «Դոմինո»

Հոկտեմբերի 29–ից «Արմենիա TV»–ի եթերում կմեկնարկի «Դոմինո» սիթքոմի հինգերորդ եթերաշրջանը։ Սա նախագծի վերջին եթերաշրջանն է։ Այս անգամ դերասանական հիմնական կազմին միացել են 2 նոր կերպար, որոնց մարմնավորելու են Մերի Հակոբյանն ու Հովհաննես Ազոյանը։

Tert.am Life–ը ներկա է եղել սիթքոմի ներ եթերաշրջանի նկարահնումներին։ Մեզ հետ զրույցում Մերին ասաց, որ մարմնավորում է խորամանկ աղջկա` Սոֆիին, որը փորձում է շորթել Գարիկի փողերը`խորամանկության ու գեղեցկության հաշվին։ Կերպարի բնավորության և զարգացման մասին խոսել Մերին չի ուզում, նախընտրում է, որ հեռուստադիտողները կերպարին ծանոթանան էկրանից։

«Ես սիրում եմ, երբ իմ կերպարները տարբերվում են մեկը մյուսից։ Ինձ համար հետաքրքիր էր այս առաջարկը, քանի որ կերպարս տարբերվում է նախկինում մարմնավորածս դերերից»,– ասաց նա։

Մերին առաջին անգամ է ներկայանում սիթքմում։ Նա նշեց, որ սա իր համար հետաքրքիր նոր փորձ էր, թեև բարդություններ էլ եղել են։

«Առհասարակ, ես սիրում եմ իմպրովիզներ անել։ Սիթքոմում իմպրովիզներ անելու հնարավորություն չկա, քանի որ, երբեմն, իմպրովիզ անելու դեպքում հումորների իմաստը կարող է կորչել։ Այդ առումով ինձ համար մի քիչ բարդ է, սակայն ռեժիսորը` Հարություն Խալաֆյանը, շատ փորձառու է և քեզ միանգամից ինտեգրում է իրավիճակին»,– ասաց Մերին։

Դերասանուհու կարծիքով` իր և Հովհաննեսի մուտքը նոր շունչ կտա «Դոմինոյին»։

 մանրամասն՝ կայքում