Քրեական գործ չի հարուցվի

Սպիտակագլուխ անգղների որսի համար որեւէ մեկը պատասխանատվության չի ենթարկվի:

Սույն դեպքով քրեական գործի հարուցումը մերժվել է ՀՀ քրեական դատավարության օրենսգքրի 35 հոդվածի 1-ին մասի 6-րդ կետով (Քրեական գործ չի կարող հարուցվել, եթե անցել են վաղեմության ժամկետները):

Այս մասին մեր հարցին ի պատասխան ասացին ՀՀ ոստիկանության հասարակայնության հետ կապերի եւ լրատվության վարչությունից:

Հոկտեմբերի 4-ին «Econews.am» լրատվական կայքում տեղադրվել էր «Ահազանգ. որսացել են Կարմիր գրքում գրանցված սպիտակագլուխ անգղեր» հոդվածը, որտեղ առկա էին նաեւ որս կատարող 3 անձանց նկարներ՝ անգղները ձեռքներին:

Ոստիկանությունն այս հրապարակումից հետո հանդես եկավ հաղորդագրությամբ՝ նշելով, որ պարզվել են նշված երեք անձանցից երկուսի ինքնությունը՝ Ա. Մկրտչյան եւ Յ. Պողոսյան: Ա. Մկրտչյանը Արմավիրի մարզի Շենավան համայնքի ՀՀԿ-ական ղեկավար Արթուր Մկրտչյանն է: Վերջինս, սակայն Armtimes.com-ի հետ զրույցում նշել էր, թե ինքը Կարմիր գրքում գրանցված սպիտակ անգղների որս չի արել. «Ես իմ ընկերոջ հետ Բագարան գնալուց ճանապարհին տեսանք, որ սատկած, գցած էր: Անցորդներ էլ կային, այնպես էր, որ բոլորն էլ կանգնում էին, նկարվում էին»,- մասնավորապես, ասել էր նա:

շարունակությունը՝ կայքում