Հայաստանի պատասխանն Ալիեւի կրակոցին

Լրագիր / Ժնեւի հանդիպումից երեք օր անց շփման գծում արձանագրվում է ողբերգական միջադեպ եւ հերթական հանցագործությունը՝ ադրբեջանական կրակոցից սպանվել է հայ զինծառայող: Դա Ադրբեջանի նախագահ Ալիեւի ուղղակի՞, թե անուղղակի պատասխանն է Սերժ Սարգսյանի հայտարարություններին, որ նա արել էր շվեյցարահայ համայնքի հետ հանդիպմանը:

Սարգսյանն Ալիեւի հետ Ժնեւի հանդիպումից անմիջապես հետո մեկնել էր համայնքի հետ հանդիպման, որտեղ անդրադարձել էր Ալիեւի հետ հանդիպմանն ու ասել, թե չեն քննարկել կարգավորման որեւէ տարբերակ, բայց պայմանավորվել են ավելի թուլացնել լարվածությունը շփման գծում: Սարգսյանը նաեւ հայտարարել էր, որ ինքն էլ, Ալիեւն էլ շահագրգռված են այդ հարցում: Միաժամանակ նա ասել էր, որ Արցախը երբեք չի լինի Ադրբեջանի մաս:

Ալիեւն այդ հայտարարությանն արձագանքեց իր օգնականի միջոցով: Նովրուզ Մամեդովը հայտարարեց, թե Սարգսյանը խախտել է Ժնեւի հանդիպման վերաբերյալ ընդամենը համանախագահների հայտարարությամբ բավարարվելու պայմանավորվածությունը:

Արդյոք դրանից հետո Ալիեւն էլ համարեց, որ ինքն էլ ազատ է խախտել շփման գծում լարվածության թուլացման ուղղությամբ քայլեր կատարելու մասին պայմանավորվածությունը:

Առնվազն անուղղակի իմաստով ստացվում է այդպես: Մյուս կողմից, իհարկե այստեղ կա երկու հանգամանք: Անկասկած է, որ գործ ունենք մարդկային ողբերգության հերթական դրսեւորման հետ, որ տեղի է ունենում հակամարտության հետեւանքով: Մյուս կողմից, անկասկած է, որ դիպուկահարների գործողությունները «դանդաղ գործողության» մահվան մեքենա լինելով հանդերձ, անմիջականորեն չեն ասոցացվում սահմանին լարված վիճակի հետ, այսինքն որպես այդպիսին չեն հանդիսանում ռազմական ծավալուն գործողության տարբերակ:

շարունակությունը՝ կայքում