«Քաղաքում»-ի «Կարբիդ»-ն առաջին անգամ խոսել է իր դատվածության եւ նշանդրեքի մասին

«Քաղաքում» սերիալում Կարբիդի դերակատար Մովսես Նիկողոսյանը նշանադրվել է: BRAVO.am-ի հետ բացառիկ զրույցում դերասանն առաջին անգամ բարձրաձայնել է, որ դատվածություն ունի, խոսել է անազատության մեջ սիրելիի հետ շփման դժվարությունների, առաջին հանդիպման մասին, եւ ոչ միայն:

Նրա նշանածը՝ Օվսաննան, մասնագիտությամբ իրավաբան է, ծանոթացել են սոցիալական ցանցի միջոցով.«Ես եւ սերս, նրան միշտ այդպես եմ դիմում, իրար ճանաչում ենք շուրջ 4 տարի: Առաջին անգամ տեսնելով նրա լուսանկարը՝ միանգամից գրեցի, որ մենք պետք է ամուսնանանք: Այնքան համոզիչ ու բարի աչքեր ուներ, որ վստահ էի՝ իմ կյանքի ուղեկիցը պետք է դառնա: Բնականաբար, նրան զարմացել էր անծանոթի արտասովոր առաջարկը»: 

Ամուսնության առաջարկն Օվսաննան մերժել է, սակայն համաձայնել է շփվել. «Ամիսներ հետո նա հասկացավ, որ իմ առաջարկը կարող է իրականություն դառնալ, եթե համաձայնի: Առաջացան զգացմունքներ, այնուհետեւ սեր, ու կարող եմ ասել՝ մեծ սեր, քանի որ նրա նման հրաշքին անհնար է չսիրել»:

Մովսեսի խոսքով՝ երեք տարի շփվելուց հետո միայն առաջին անգամ հանդիպել են.«Հեռախոսով էինք զրուցում, քանի որ նա բնակվում էր Ռուսաստանում, իսկ ես կալանավայրում էի: Ազատվելուցս հետո էլ չէինք կարող հանդիպել, քանի որ իրավունք չունեի երկրից բացակայել: Նա որոշեց Հայաստան գալ. միմյանց տեսնելու մեր ցանկությունն արդեն գագաթնակետին էր հասել: Այդպես, նա իր մայրիկի հետ ժամանեց Հայաստան, եւ մենք վերջապես հանդիպեցինք: Չեմ կարող նկարագրել այդ պահը, քանի որ հուզմունքս մեծ էր այնքան, որ ոչինչ չեմ հիշում»:

մանրամասն՝ կայքում