Այսօր գաղտնազերծվելու են Քենեդիի սպանության վերաբերյալ հազարավոր փաստաթղթեր
Աշխարհ
ԱՄՆ-ում այսօր գաղտնազերծվելու են 1963 թվականին նախագահ Ջոն Քենեդիի սպանությանն առնչվող հազարավոր փաստաթղթեր: Դրանցից 3 հազարը երբևէ նախկինում չի հրապարակվել, մոտ 30 հազարը միայն մասամբ է հրապարակվել:
Այնուամենայնիվ, պատմաբանների մեծ մասի համոզմամբ, հրապարակվելիք նյութերը նախագահի սպանության առեղծվածի վերաբերյալ բեկումնային տեղեկություններ չեն պարունակում:
ԱՄՆ 35-րդ նախագահ Ջոն Քենեդիին Տեքսաս նահանգի Դալաս քաղաքում 1963 թվականի նոյեմբերի 22-ին սպանել է Լի Հարվի Օսվալդը:
Ենթադրվում է, որ հրապարակվելիք փաստաթղթերը վերաբերում են Կուբայի և Խորհրդային Միության գաղտնի գործակալների հետ 1963-ի սեպտեմբերին Մեխիկոյում Օսվալդի հնարավոր հանդիպումները բացահայտելու՝ ԱՄՆ անվտանգության ծառայությունների ջանքերին:
1992 թվականին ԱՄՆ Կոնգրեսը վճռել է, որ 25 տարի անց պետք է հրապարակվեն Ջոն Քենեդիի սպանությանը վերաբերող բոլոր արձանագրված փաստաթղթերը:
Միաժամանակ, ԱՄՆ նախագահին վերապահվել է հարկ եղած դեպքում երկրի անվտանգության կառույցների աշխատանքի մասին փաստաթղթերի հրապարակումը կասեցնելու իրավունք, սակայն Դոնալդ Թրամփն անցած շաբաթ հայտնել է, որ չի խոչընդոտի հրապարակումը:
1
2
3
4
5
5
1
3
4
