Խիտ արյուն. ինչ է հարկավոր իմանալ այդ մասին

Արյան նոսրացման համար շատ մարդիկ օգտագործում են ասպիրինը, սակայն շատ քչերը գիտեն, որ բացի օգուտից այն պատճառում է նաև վնաս: Ասպիրինի մասնիկներն ամրանալով ստամոքսի պատերի վրա ժամանակի ընթացքում ձևավորում են խոցեր: Այդ պատճառով ֆիտոթերապևտներն ու ժողովրդական բժշկությունն ասպիրինը փոխարինում են ազնվամորու և սև հաղարջի տերևների եփուկով: Սալիցիլաթթուն առկա է նաև մի շարք մրգերի ու բանջարեղենների մեջ, սակայն նրանցում առկա քանակությունը բավական չէ արյունը նոսրացնելու համար:

Այդ դեպքում շատ կարևոր է նաև նվազեցնել վիտամին К-ի պարունակությամբ սննդամթերքների օգտագործումը, քանի որ նրանք խտացնում են արյունը: Այդ մթերքների շարքում է հատկապես սևապտուղ հապալասենին, սպանախը, հազարը և սննդի մեջ օգտագործվող մնացած կանաչիները:

Ձկան յուղը նպաստում է ոչ միայն արյան նոսրացմանն այլ նաև արդեն առկա թրոմբների ու խելեստերինային կուտակումների ներծծմանը: Բժիշկները խորհուրդ են տալիս շաբաթական 3-ից 4 անգամ ձուկ օգտագործել և հնարավորության դեպքում յուղոտ տեսակները:

Աշխատեք օգտագործել յոդ պարունակող մթերքներ: Նրանք նվազեցնում են արյան մածուցիկությունն ու բարձրացնում անոթների տոնուսը:

Արյան նոսրացմանը նպաստում են նաև այն մթերքները, որոնք պարունակում են տաուրին, որը կարգավորում է արյան ճնշումը: Այն մեծ քանակությամբ առկա է ծովամթերքների ու ձկան մեջ: Կարող եք սննդակարգի մեջ ավելացնել հունական ընկույզ ու նուշ(օրական 1 ճ/գ):

Սննդի մեջ սխտորի օգտագործումը նվազեցնում է արյան մածուցիկությունը: Նման հատկություններով են օժտված նաև սեխը, թուրինջը, կարմիր բուլղարական պղպեղն ու լոլիկը:

Արյան նոսրացմանը նպաստում է նաև իշառվույտի խոտը(донника), կեռասը, բալը և մի շարք այլ պտուղներ: Արյունը հիանալի նոսրացնում է նաև կարմիր չոր գինին: Օրական 1 բաժակ գինին սննդի հետ օգտագործելու դեպքում դուք կկարողանաք ազատվել այդ խնդրից:

Չիլլի պղպեղը պարունակում է վիտամին А ու Е, կալիում ու ֆոլաթթու, որը հիանալի նոսրացնում է արյունը:

Խմեք ամեն օր նարինջի հյութ ոչ ավելի քան 120 մլ, քանի որ դա արյունը նոսրացնող հինալի միջոց է, այն նաև պարունակում է վիտամին С: Հիշեք որ նարնջի հյութը հակացուցված է ստամոքսի խոցային հիվանդությունների ու բարձր թթվայնությամբ գաստրիտի 10 հիվանդությունների դեպքում:

Վերցրեք 250 գրամ մաքրած սխտոր և նրա վրա ավելացրեք 300 գրամ մեղր, թողեք թրմվի 1 շաբաթ և օրական 3 անգամ, ուտելուց 40 րոպե առաջ, ընդունեք 1-ական ճ/գ:

Լցրեք 0.5 լիտր օղու մեջ 100 գրամ աղացած մշկընկույզ, թողեք թրմվի 21 օր՝ ամեն օր այն խառնելով, որից հետո այն ֆիլտրեք: ¼ բաժակի մեջ ավելացրեք 20-ից 30 կաթիլ այդ հեղուկից, խմեք այն օրական 3 անգամ, ուտելուց 30 րոպե առաջ: Թուրմի ընդունման չափաբաժինների ընդունաման միջև կատարեք 10 օրյա ընդմիջում(ընդհամենը 5 կուրս):

Ծամեք ½ թ/գ դառ օշինդրի չոր ծաղիկներ ու խմեք այն 1 բաժակ կեֆիրի հետ: Օգտագործեք այն 1 շաբաթ՝ ժամը 21:00-ին, որից հետո կատարեք 7-ից 10 օրյա ընդմիջում:Այդ միջոցը օգնում է նաև մաքրել լյարդն ու բարձրացնել իմունիտետը:

Արյունը նոսրացնելու համար բավականին օգտակար է նաև թթենու արմատները: Վերցրեք 200 գրամ թթենու թարմ արմատներ, մանրացրեք ու լվացեք: Դրեք էմալապատ կաթսայի մեջ ու վրան լցրեք 3 լիտր սառը ջուր և թողեք թրմվի 1 ժամ: Որից հետո այն դրեք մարմանդ կրակի վրա, թողոք եռա, որից հետո ևս 15 րոպե եփվի, վերցրեք կրակի վրայից սառեցրեք, քամեք և դրեք սառնարանում: Այդ միջոցը ընդունեք 5 օր` օրը 3 անգամ, ուտելուց առաջ՝ 200-ական գրամ: Բուժման կուրսը 5 օր, որից հետո կատարեք 2-ից 3 օր ընդմիջում:

Ծլեցված ցորենը ևս նոսրացնում է արյունը: Ամեն օր կանոնավոր կերպով օգտագործեք 1 ճ/գ ծլեցված ցորեն, որը ցանկալի է ավելացնել բանջարեղենային աղցանի մեջ, որի մեջ հարկավոր է ավելացնել նաև 1 թ/գ կտավատի յուղ:

Դարչինն ու կոճապղպեղը նոսրացնում են արյունը: Ձեզ անհրաժեշտ կլինի կոճապղպեղի թարմ արմատներ(մոտավորապես 4 սմ), մի պտղունց դարչին(դանակի ծայրով), 1 թ/գ կանաչ թեյ: Լցրեք այդ ամենի վրա 0.5 լիտր եռացրած ջուր ու թողեք այն թրմվի, որից հետո թողեք այն սառչի և ավելացրեք կես կիտրոն ու ըստ ճաշակի մեղր: Խմեք օրվա ընթացքում: