Ինչ կստանա Վիգեն Սարգսյանը

Առաջին / Խորհրդարանում Զինապարտության մասին օրենքի նախագծի քննարկման ամփոփիչ ելույթում պաշտպանության նախարար Վիգեն Սարգսյանը չափազանց կոշտ արձագանք տվեց «Ելք» դաշինքին, ի պատասխան օրենքի քննարկմանը դաշինքի քննադատությանն ու հարցադրումներին: Վիգեն Սարգսյանի արձագանքը ընդգծված կոշտ էր, իսկ ամփոփիչ ելույթը գործնականում ամբողջությամբ պատրաստված էր հենց այդ նպատակադրումով: Մի կողմից այդ ամենը տրամաբանական է, քանի որ Վիգեն Սարգսյանի նախաձեռնությանը հիմնականում դեմ էր հանդես գալիս առավելապես «Ելք»-ը, մյուս կողմից՝ Սարգսյանն այդօրինակ կոշտությամբ և գրեթե անհատական թիրախավորումներով արձագանքով վկայեց, որ «Ելք»-ի դիրքորոշման մեջ նկատել է ոչ թե քննադատություն օրենսդրական նախաձեռնության բովանդակությանը, այլ դրա առիթով այսպես ասած անհատական քննադատություն և տրամադրվածություն իր դեմ:

Թերևս հենց այդ ելակետով էլ Վիգեն Սարգսյանը այդօրինակ հասցեական պատասխան տվեց «Ելք»-ին: Արդարացված էր Վիգեն Սարգսյանի այդօրինակ ընկալումն ու հետևաբար պատասխանի բովանդակությունը, տոնայնությունն ու կառուցվածքը, թե ոչ, այլ հարց է, սակայն պաշտպանության նախարարի արձագանքը ինքնին խոսուն է և արդեն իսկ բացում է իրավիճակի բավականին նուրբ ներքաղաքական և գուցե ներիշխանական շերտեր, հատկապես եթե հաշվի առնենք այն, որ «Ելք»-ին համանման, նվազ կոշտ և տարողունակ իհարկե, սակայն բավականին իմպուլսիվ արձագանք կամ պատասխան է տվել նաև ՀՀԿ խոսնակ Էդուարդ Շարմազանովը, հայտարարելով, թե դասալիքը բանակում չծառայած պաշտոնյաները՝ այդ թվում ինքը չեն, այլ նրանք, ովքեր պատվիրել են բարձրացնել այդպիսի հարցեր: Կամ «Ելք»-ն իր հարցադրումներով խփել է այսպես ասած տասին, և իշխանության ներկայացուցիչների հուզական արձագանքը վկայում է դրա մասին, կամ խնդիրն իսկապես պարունակում է նուրբ քաղաքական տողատակեր և ներիշխանական շահերի բախում:

շարունակությունը՝ կայքում