ԱՄՆ անսպասելի առաջարկը Հայաստանին. պատմական շրջադարձ

Լրագիր / ԱՄՆ փոխնախագահ Մայք Փենսը, մասնակցելով «Ի պաշտպանություն քրիստոնյաների» Վեհաժողովին, հայտարարել է, թե Մերձավոր Արեւելքի Քրիստոնյա համայնքների օգնությունը ճանապարհին է եւ ինքը Վեհաժողովին է այդ մասին ասելու համար: Փենսը հայտարարել է, որ ԱՄՆ արդյունավետ չի համարում ՄԱԿ միջոցով ցուցաբերվող օգնությունը եւ որոշել է, որ քրիստոնյաներին օգնություն է տրամադրելու անմիջականորեն, առանց ՄԱԿ խողովակի:
ԱՄՆ փոխնախագահի հայտարարությունը թեեւ առնչվում է մարդասիրական գործողություններին, այդուհանդերձ հիմնարար ռազմա-քաղաքական հայտարարություն է, քանի որ գործնականում ԱՄՆ ներկայացնում է Մերձավոր Արեւելքի քրիստոնյա համայնքների պաշտպանի հայտ եւ դա անում է բավական հստակ:
Նշանակու՞մ է դա արդյոք, որ ԱՄՆ սկզբունքային վերափոխման է ենթարկելու Մերձավոր Արեւելքի հանդեպ իր քաղաքականությունը, կառուցելով այն այսպես ասած պատմական հիմքերի վրա: Փենսը հիշատակել է, որ քրիստոնեությունը առաջացել է Մերձավոր Արեւելքից եւ թվարկել պատմական, տարածաշրջանային, աշխարհագրական ակունքները, որտեղից սերում է այն: Պատմական այդ հիշատակումը նշանակում է սահմանների վերաձեւման ԱՄՆ պատկերացումների հի՞մք, թե՞ պարզապես ԱՄՆ այդպիսով անում է քաղաքական ժեստ եւ ակնարկում, որ մտադիր է առավել աշխուժացնել մերձավորարեւելյան իր քաղաքականության մեջ քրիստոնեության բաղադրիչը: Մյուս կողմից, ի՞նչ է ենթադրելու դա, ինչպե՞ս է արտահայտվելու այդ աշխուժացումը:

շարունակությունը՝ կայքում