Իրաքի Քուրդիստանում դեռատի աղջիկներին թլպատում են

Ամերիկյան «Վաշինգտոն Փոսթ» օրաթերթը մի հետաքրքիր թղթակցություն է պատրաստել Իրաքի Քուրդիստանում աղջիկների թլպատման (ծլիկի հեռացման) մասին: Ըստ օրաթերթի, Իրաքի հյուսիսում աղջիկների 60% -ը ենթարկվում է թլպատման, եւ կառավարությունն ու խորհրդարանը ոչ մի կերպ չեն փորձում կասեցնել դա:
Թերթը գրում է․ «7-ամյա Շիլան Անվար Օմարը, այն հույսով, որ հյուրասիրության է գնում, իր մոր հետ գնում է հարեւանուհու տուն: Բայց այնտեղ 40-ամյա Մահ Արուբը իր ածելիով պատրաստվում է Շիլանին ու մյուս հարեւանների աղջիկներին թլպատել, ասելով․ «Ես սա Աստծո համար եմ անում»: Շիլանի մայրը թլպատվելու պատճառը չգիտի եւ միայն ասում է․ «Այնքան որ գիտեմ՝ սա Աստծո հրահանգն է եւ պիտի կատարվի»:
Թլպատող Մահ Արուբը յուրաքանչյուր թլպատման համար 4000 իրաքյան դինար (3.5 դոլար) է ստանում եւ ամսական նվազագույնը 30 աղջիկ է թլպատում:
Աղջիկների թլպատումը ավանդույթ է որոշ սուննի մահմեդականների մոտ։ Դրա հիմնական նշանակությունն այն է, որ, հեռացնելով սեռական բավարարման գործում հիմնական դերը կատարող այդ օրգանը, սեռահասունության շեմ ոտ դնող աղջիկներին զերծ են պահում մինչև ամուսնանալը ինքնաբավարարմամբ զբաղվելու հնարավորությունից։ Իր ոչ մարդկային բնույթի պատճառով կանաց իրավունքների պաշտպան բազմաթիվ կազմակերպություններ ու շատ երկրների կառավարություններ այսօր արգելում են դա, բայց դրանով հանդերձ որոշ շրջաններում քարացած այդ ավանդույթը կարողանում է հաղթել գիտությանն ու մարդու իրավունքներին: