Արտասովոր գեղեցկություն. մկանուտ Բարբին

Երկրպագուններն այս աղջկան անվանում են մկանոտ Բարբի, նուրբ և կանացի դիմագծերի և մկանոտ մարմնի համադրության պատճառով: Intermedia24.ru-ն կներկայացնի 20-ամյա Յուլիա Վինսին, որը հայտնի է ոչ միայն իր հայրենիքում, այլ նաև արտասահմանում.
Յուլիան զբաղվում է պաուերլիֆտինգով և արդեն բազմաթիվ անգամներ հաղթող է ճանաչվել միջազգային մրցույթներում: «Այս սպորտաձևն ինձ համար հոբբի դարձավ երեք տարի առաջ: Այն հնարավորություն տվեց նաև գումար վաստակել: Այժմ իմ ժամանակի մեծ մասը տրամադրում եմ մարզումներին»:
Յուլիան սկսել է մարզասրահ հաճախել 15 տարեկանից: Նա կատարում էր սովորական ուժային վարժություններ, սակայն արդյունքը նրան չէր գոհացնում: Նկատելի արդյունք եղավ միայն այն ժամանակ, երբ նա սկսեց զբաղվել պաուերլիֆտինգով, որն իր մեջ ներառում է երեք վարժությունների համադրություն, որոնցից հիմնականը ծանրաձողով կքանստումն է:
«Մարզվում եմ շաբաթական 5 անգամ: Ծանրաբեռնվածության աստիճանը կախված է նրանից, թե ինչպիսին է տվյալ պահին իմ ֆիզիկական պատրաստվածությունը: Սննդակարգը նույնպես տատանվում է: Մրցումներից առաջ սնվում եմ խիստ կանոնավոր: Շաբաթական մեկ անգամ ինձ թույլ եմ տալիս սնվել ինչպես ցանկանում եմ»,- պատմում է աղջիկը:
Յուլիան վստահ է, որ միայն կանոնավոր մարզումների և քրտնաջան աշխատանքի շնորհիվ մարզիկը կարող է հաջողությունների հասնել: «Կարծում եմ, հաջողության գաղտնիքը մեկն է՝ կանոնավոր մարզումներ: Եթե ցանկանում ես գտնվել մարզական լավ վիճակում, պետք է ընտրվեն համապատասխան վարժություններ և ճիշտ սննդակարգ»: