Որքա՞ն արժե Նախագահի ձեռքի ժամացույցը․ Politik.am

Politik.am-ը գրում է․

Նախագահ Սերժ Սարգսյանի հրամանագրերով անկախության 25-րդ տարեդարձի կապակցությամբ պետականության կայացման, պաշտպանունակության և անվտանգության ամրապնդման, իրավակարգի և օրինականության պահպանման, տնտեսության զարգացման, հայրենիք-սփյուռք կապերի ամրապնդման և հայապահպանության գործում ներդրած ավանդի, գիտության, կրթության, առողջապահության, մշակույթի և արվեստի բնագավառներում ձեռքբերած ակնառու հաջողությունների համար մի խումբ անձինք պարգևատրվել են բարձրագույն պարգևներով՝ շքանշաններով և մեդալներով, շնորհվել են նաև պատվավոր և զինվորական կոչումներ:
Այս կապակցությամբ նախագահական նստավայր էին հրավիրված մի խումբ գործիչներ, որոնք պետական պարգևների արժանացան: Նախագահականի լրատվական ծառայությունը միջոցառման հետ կապված տարածել էր լուսանկարներ, որոնցից մեկը գրավեց Politik.am-ի ուշադրությունը: Լուսանկարում, որտեղ Սերժ Սարգսյանը ժողովրդական երգիչ Ռուբեն Մաթևոսյանի հետ է, աչքի է զարնում նախագահի ձեռքի ժամացույցը:
Politik.am-ը պարզեց, որ Սերժ Սարգսյան ձեռքի ժամացույցը «Vacheron Constantin» բրենդի «Patrimony Retrograde Day Date Silver Dial Automatic» մոդելի ժամացույց է, որն արժե 45 700 ԱՄՆ դոլար:
Vacheron Constantin ընկերությունը արտադրում է լյուքս դասի ժամացույցներ, որոնք աշխարհում ամենաթանկ ձեռքի ժամացույցների դասին են պատկանում: Ընկերությունը հիմնադրվել է 1755 թվականին Շվեցարիայում: